"QazTransOil" AQ aktsionerleri jalpy jinalysynyń 2024 jylǵy 25 qarashadaǵy sheshimimen ókilettik merzimi úsh jyldy quraityn jeti adamnan turatyn kompaniianyń direktorlar keńesiniń jańa quramy aiqyndaldy, dep habarlaidy Dalanews.kz.
Býlat Zakirov "QazTransOil" AQ Direktorlar keńesiniń tóraǵasy bolyp sailandy. Direktorlar keńesiniń buǵan deiingi quramyndaǵy úsh táýelsiz direktordyń úsheýi de ózgerdi. Amerikalyq Timoti Glen Miller men shveitsariialyq Adrian Freisinniń ornyn Qainar Qojumov (zertteý jáne konsalting ortalyǵynyń basqarýshy seriktesi) pen Ámire Bozjigitov (Qyrǵyzstandaǵy Qazaqstannyń burynǵy elshisiniń uly) basty. Al úshinshi táýelsiz direktor ornyna Nurlan Ahanzaripov jańadan keldi.
Kompaniia baspasóz qyzmetiniń habarlaýynsha, "QazTransOil" Direktorlar keńesiniń músheleri bolyp myna adamdar sailandy:
- Býlat Zakirov - "QazMunaiGaz" UK AQ ókili;
- Ámir Bozjigitov - "QazMunaiGaz" ókili;
- Ardaq Qasymbek - "QazMunaiGaz" ókili;
- Arman Qasenov — "QazTransOil" bas direktory (Basqarma tóraǵasy);
- Nurlan Ahanzaripov — táýelsiz direktor;
- Qainar Qojumov - táýelsiz direktor;
- Qazbek Qusaiynov - táýelsiz direktor.
Aita ketsek, "QazTransOil" – magistraldyq munai qubyry boiynsha Qazaqstan Respýblikasynyń ulttyq operatory, "QazMunaiGaz" UK AQ tobyna kiredi. 2012 jyly "Halyqtyq IPO" baǵdarlamasy aiasynda QazTransOil otandyq qor birjasynda aktsiialardyń 10% ornalastyryp, listing júrgizdi. Suranys usynystan eki ese asyp, Qazaqstannyń 34 myńnan astam azamaty aktsioner boldy.
