"قازترانسويل" اق اكسيونەرلەرى جالپى جينالىسىنىڭ 2024 جىلعى 25 قاراشاداعى شەشىمىمەن وكىلەتتىك مەرزىمى ءۇش جىلدى قۇرايتىن جەتى ادامنان تۇراتىن كومپانيانىڭ ديرەكتورلار كەڭەسىنىڭ جاڭا قۇرامى ايقىندالدى، دەپ حابارلايدى Dalanews.kz.
بولات زاكيروۆ "قازترانسويل" اق ديرەكتورلار كەڭەسىنىڭ ءتوراعاسى بولىپ سايلاندى. ديرەكتورلار كەڭەسىنىڭ بۇعان دەيىنگى قۇرامىنداعى ءۇش تاۋەلسىز ديرەكتوردىڭ ەكەۋى وزگەردى. وسىلايشا امەريكالىق تيموتي گلەن ميللەر مەن شۆەيساريالىق ادريان فرەيسيننىڭ ورنىن قاينار قوجۇموۆ (زەرتتەۋ جانە كونسالتينگ ورتالىعىنىڭ باسقارۋشى سەرىكتەسى) پەن امىرە بوزجىگىتوۆ (قىرعىزستانداعى قازاقستاننىڭ بۇرىنعى ەلشىسىنىڭ ۇلى) باستى. ءۇشىنشى تاۋەلسىز ديرەكتور نۇرلان احانزاريپوۆ ءوز ورنىن ساقتاپ قالدى.
كومپانيا باسپا ءسوز قىزمەتىنىڭ حابارلاۋىنشا، "قازترانسويل" ديرەكتورلار كەڭەسىنىڭ مۇشەلەرى بولىپ مىنا ادامدار سايلاندى:
- بۋلات زاكيروۆ - "قازمۇنايگاز" ۇك اق وكىلى؛
- ءامىر بوزجىگىتوۆ - "قازمۇنايگاز" وكىلى؛
- ارداق قاسىمبەك - "قازمۇنايگاز" وكىلى؛
- ارمان قاسەنوۆ — "قازترانسويل" باس ديرەكتورى (باسقارما ءتوراعاسى)؛
- نۇرلان احانزاريپوۆ — تاۋەلسىز ديرەكتور؛
- قاينار قوجۇموۆ - تاۋەلسىز ديرەكتور؛
- قازبەك قۇسايىنوۆ - تاۋەلسىز ديرەكتور.
ايتا كەتسەك، "قازترانسويل" – ماگيسترالدىق مۇناي قۇبىرى بويىنشا قازاقستان رەسپۋبليكاسىنىڭ ۇلتتىق وپەراتورى، "قازمۇنايگاز" ۇك اق توبىنا كىرەدى. 2012 جىلى "حالىقتىق IPO" باعدارلاماسى اياسىندا قازترانسويل وتاندىق قور بيرجاسىندا اكسيالاردىڭ 10% ورنالاستىرىپ، ليستينگ جۇرگىزدى. سۇرانىس ۇسىنىستان ەكى ەسە اسىپ، قازاقستاننىڭ 34 مىڭنان استام ازاماتى اكسيونەر بولدى.
