Qarjy naryǵyn retteý jáne damytý agenttigi (QNRDA) "Qazposhta" jumysynan zań talaptaryn buzýshylyqtardy anyqtady. Agenttik kompaniiaǵa ony 2025 jyldyń 1 qazanyna deiin joiýǵa mindettedi, dep habarlaidy Dalanews.kz.
"Elimizdegi eń iri qarjy servisteriniń biri - "Qazposhta" AQ-nyń "Bankter týraly" zańnyń jekelegen talaptaryn buzǵany anyqtaldy. Bul týraly Qarjy naryǵyn retteý jáne damytý agenttigi habarlady. Alaida agenttik onyń egjei-tegjeiin ashyp aitpaidy. Tek "Qazposhtaǵa" barlyq buzýshylyqtardy 2025 jyldyń 1 qazanyna deiin joiýǵa nusqaý berilgeni belgili", dep jazady "Bychii zvonochek" Telegram arnasy.
Eger "Qazposhta" belgilengen merzimde buzýshylyqtardy joimasa, onda oǵan aiyppul salynýy, sol sekildi jekelegen operatsiialardy júrgizýge shekteýler engizý túrindegi sanktsiialar da qoldanylýy múmkin.
Aita ketsek, "Qazposhta" búginde qarjy servisteri naryǵynda belsendi ókili bolyp tabylady: kompaniia bank kartalaryna qyzmet kórsetedi, tólemder men aýdarymdar júrgizedi, sondai-aq tólemder boiynsha memlekettik jobalardy iske asyrýǵa qatysady. Sondyqtan ekinshi deńgeidegi bankter sekildi atalǵan uiym úshin banktik zańnamany saqtaý mańyzdy.
