5 sáýirde QMG Basqarma tóraǵasy Maǵzum Myrzaǵaliev, Qyzylorda oblysynyń ákimi Nurlybek Nálibaev, sondai-aq Ekologiia jáne tabiǵi resýrstar vitse-ministri Nurken Shárbiev Aral teńiziniń qurǵaǵan tabanyna sekseýil kóshetterin otyrǵyzý sharasyna qatysty.
Bul joba Memleket basshysy Qasym-Jomart Toqaevtyń eldi kógaldandyrý jónindegi ekologiialyq bastamasyn qoldaý maqsatynda iske asyrylyp otyr.
QMG qurǵaǵan Aral túbinde 15 myń gektar alqapqa 4 millionnan astam sekseýil kóshetin otyrǵyzý boiynsha mindetteme aldy. Osylaisha, kompaniianyń jasyl ekonomikanyń damýyna jáne tabiǵatty bolashaq urpaq úshin qorǵap qalýǵa qosqan úlesin arttyramyz. Sondai-aq bul — turaqty damý qaǵidattaryn berik ustanatynymyzdyń is júzindegi kórinisi», — dedi Maǵzum Myrzaǵaliev.
Osylaisha, QazMunaiGaz elimizdiń ekonomikalyq damýyna úles qosyp qana qoimai, áleýmettik salaǵa jáne ekologiialyq jobalarǵa kórsetken qoldaýyn arttyryp otyr.
Sekseýildiń basqa ósimdikterden ereksheligin aitsaq, bir túp sekseýil tórt myń tonna qum kóshinen saqtai alady. Jeti jyldan keiin 15 myń gektar jerge egilgen sekseýil aǵashtary 15 myń tonna tuz, shań men qumnyń aýaǵa taraýyn toqtatyp, ustap qalatyn bolady.
Sekseýil aǵashtarynyń aimaqtaǵy mal sharýashylyǵyna da paidasy bar. Sebebi sekseýil óskinderi mal-janýarǵa azyq bola alady.
Jobany QR Ekologiia jáne tabiǵi resýrstar ministrliginiń Orman sharýashylyǵy jáne janýarlar dúniesi komitetine qarasty «Respýblikalyq orman selektsiialyq tuqym ósirý ortalyǵy» iske asyratyn bolady.
