"QazMunaiGaz" ulttyq kompaniiasy 2025 jyldyń birinshi jarty jyldyǵyna arnalǵan halyqaralyq qarjy eseptiliktiń standarttaryna (HQES) sáikes daiyndalǵan qysqartylǵan aralyq shoǵyrlandyrylǵan qarjy esebin jariialady, dep habarlaidy Dalanews.kz.
Kompaniianyń 2024 jyldyń birinshi jarty jyldyǵymen salystyrǵandaǵy 2025 jyldyń birinshi jarty jyldyǵyndaǵy negizgi qarjylyq kórsetkishteri:
- Túsim 4 239 mlrd teńgemen (9 440 mln AQSh dollary) salystyrǵanda 4 500 mlrd teńgege (8 789 mln AQSh dollary) jetti;
- EBITDA kórsetkishi 984 mlrd teńgemen (2 190 mln AQSh dollary) salystyrǵanda 1 142 mlrd teńgeni (2 230 mln AQSh dollary) qurady;
- Birlesip baqylanatyn kásiporyndar men qaýymdasqan kompaniialardyń kirisindegi úlesti qosa alǵanda, kompaniianyń taza paidasy 550 mlrd teńgemen (1 224 mln AQSh dollarymen) salystyrǵanda 534 mlrd teńgeni (1 044 mln AQSh dollary) qurady
- Birlesip baqylanatyn kásiporyndar men qaýymdasqan kompaniialardyń paidasyndaǵy úlesine túzetilgen taza paida 591 mlrd teńgemen (1 316 mln AQSh dollarymen) salystyrǵanda 660 mlrd teńgeni (1 289 mln AQSh dollary) qurady;
- Bos aqsha aǵymy 604 mlrd teńgemen (1 345 mln AQSh dollarymen) salystyrǵanda, 682 mlrd teńgeni (1 331 mln AQSh dollaryn) qurady;
- 2025 jylǵy 30 maýsymdaǵy jaǵdai boiynsha jalpy qaryz 2024 jylǵy 31 jeltoqsandaǵy 3 967 mlrd teńge (7 555 mln AQSh dollary) mólsherindegi kórsetkishpen salystyrǵanda, 3 892 mlrd teńgeni (7 490 mln AQSh dollary) qurady;
- 2025 jylǵy 30 maýsymdaǵy kompaniianyń taza qaryzy 2024 jylǵy 31 jeltoqsandaǵy 1 163 mlrd teńge (2 214 mln AQSh dollary) deńgeiindegi kórsetkishpen salystyrǵanda 803 mlrd teńgeni (1 546 mln AQSh dollary) qurady.
Buǵan deiin "QMA" AQ Basqarma músheleri jylyna eki ret syiaqy alatyny týraly jelide sybys tarap, kompaniia bergen túsiniktemesin jariialaǵan bolatynbyz.
