Shymkent qalasynyń aýdanaralyq qylmystyq soty «Qazmunaigaz Invest» jobasyn iske qosqan úsh áielge qatysty úkim shyǵardy, dep habarlaidy Dalanews.kz.
Sot materialdaryna sáikes, olar 2024 jyldyń qarasha aiynda «Kazmýnaigaz Invest» atty jobany iske qosyp, azamattardan joǵary dividend ýáde ete otyryp aqsha jinaǵan. Jobanyń jalǵyz qyzmeti halyqtan qarajat tartý bolǵan.
Aiyptalýshylar ózderin ulttyq kompaniia «QazMunaiGazdyń» atynan birjalarǵa investitsiia salamyz dep tanystyrǵan.
Tergeý dereginshe, qarjy piramidasy 2025 jyldyń naýryzyna deiin jumys istep, sengen azamattardan shamamen 600 mln teńge jinaǵan.
Jinalǵan qarajatqa sottalýshylar:
BMW X5 avtokóligin,
TANK 500 jol talǵamaityn kóligin, toihana, jalpy quny 438 mln teńge bolatyn kottedj satyp alyp, múlikti úshinshi tulǵalardyń atyna rásimdegen.
Sot protsesi barysynda tergeý organdary keltirilgen shyǵyn kólemin eki esege azaitqany belgili boldy. Naqty zalal mólsheri 1,5 mlrd teńgeden asyp ketken.
Sonymen qatar kóptegen salymshylar jábirlenýshiler tizimine engizilmegeni anyqtaldy.
Sotta barlyq aiyptalýshy QR Qylmystyq kodeksiniń 217-baby 3-bóliginiń 2-tarmaǵy
(asa iri mólsherde qarjy (investitsiialyq) piramidasyn qurý jáne oǵan basshylyq jasaý) boiynsha kinásin tolyq moiyndady.
Sot úkimimen:
aiyptalýshylar 5 jyldan 9 jylǵa deiin bas bostandyǵynan aiyryldy;
barlyq múlki tárkilendi.
Úkim ázirge zańdy kúshine engen joq.
