Nur-Sultan, Qazaqstan, 2022 jylǵy 8 maýsym – «Shevron» korporatsiiasy óz filialy «Shevron Munaigaz Ink.» (budan ári – «Shevron») arqyly jáne «QazMunaiGaz» UK AQ (budan ári – QMG) Qazaqstanda kómirtegi shyǵaryndylaryn azaitý salasynda áleýetti jobalardy zertteý úshin Ózara túsinistik týraly memorandýmǵa (budan ári – Memorandým) qol qoiǵany jóninde málimdedi.
«Shevron» men «QazMunaiGaz» kómirtegini ustap qalý, kádege jaratý men saqtaý (CCUS), tómen kómirtekti sýtegini paidalaný, metan shyǵaryndylaryn basqarý, energiia tiimdiligin arttyrý jáne kómirtegi baǵasyn ishtei belgileý tetikterin engizý salasyndaǵy ortaq jobalardy júzege asyrý múmkindikterin zertteýdi josparlap otyr.
Memorandýmǵa «Shevron» Eýraziia bólimshesiniń Basqarýshy direktory Derek Magness jáne QMG Basqarma tóraǵasy Maǵzum Myrzaǵaliev qol qoidy. Qujatqa qol qoiý rásimi Nur-Sultan qalasynda Shetel investorlary keńesiniń 34-shi plenarlyq otyrysy qarsańynda «Shevron» kompaniiasynyń barlaý jáne óndirý jónindegi atqarýshy vitse-prezidenti Djei Djonsonnyń qatysýymen ótken resmi kezdesý aiasynda ótti.
«BUU Klimattyq ambitsiialar sammitinde el Prezidenti Qasym-Jomart Toqaev Qazaqstannyń 2060 jylǵa qarai kómirtegige beitarap memleket bolatyny týraly málimdeme jasaǵan edi. QazMunaiGaz óz tarapynan kómirtek izin 2031 jylǵa qarai 2019 jyldyń deńgeiinen 15 paiyzǵa qysqartýdy maqsat etip otyr.
Aldaǵy ýaqytta da Parij kelisiminiń jáne ázirlenip jatqan elimizdiń 2060 jylǵa qarai kómirtegi beitaraptyǵyna jetý jónindegi strategiiasynyń mindetterine sáikes jan-jaqty jumys istemek. Degenmen karbonsyzdaný biz úshin jańa sala.
Shevronnyń munai-gaz salasynda ozyq tehnologiialar men jetistikterdi engizýdegi mol tájiribesi bizdiń áleýetimizdi arttyrýǵa septigin tigizip, bolashaqta energetika kózderin jańartý baǵytyndaǵy tómen kómirtegi jobalaryn birigip iske asyramyz degen senimdemiz», – dedi QMG basshysy Maǵzum Myrzaǵaliev.
«Shevron» otyz jyl boiyna Qazaqstannyń investory bolyp keledi. Biz berik qarym-qatynasymyzdy maqtan tutamyz jáne eldiń energetikalyq bolashaǵyna investitsiia quiýǵa umtylamyz. Búgin «QazMunaiGaz» kompaniiasymen jasalǵan memorandým Qazaqstannyń energetika salasyn damytý jolynda kompaniialarymyzdyń qoldaý nietiniń jańa kezeńi ispetti, - dedi Magness myrza.
– Biz Qazaqstannyń jasyl energiiaǵa kóshý men kómirtegi shyǵaryndylaryn azaitý baǵytynda biraz jumys atqaratynymyzǵa kámil senemiz.
«QazMunaiGaz» kompaniiasymen ornaǵan yntymaqtastyqtyń arqasynda biz qoljetimdi, senimdi ári taza energiiany qamtamasyz etýge óz úlesimizdi qosyp, bizdiń ónimdi paidalanatyn salalar men klientterimizge kómirtegi shyǵaryndylaryn azaitý maqsatyna jetýde qoldaý kórsetemiz dep úmittenemiz».
«Shevron» bolashaqty tómen kómirtekti energetikamen bailanystyrady. Parijde qabyldanǵan kelisim aiasynda shyǵaryndylardy qysqartý jónindegi jahandyq mindetterdi oryndaý úshin yntymaqtasa otyryp jumys isteýimiz kerek.
Biz «QazMunaiGaz» kompaniiasymen tómen kómirtekti damytý salasyndaǵy áleýetti jobalardy birge zertteý múmkindigin joǵary baǵalaimyz jáne Qazaqstannyń taza energiia kózderine kóshý úrdisine mol úles qosýdy kózdep otyrmyz, - dedi 2021 jyly kómirtegini ustap qalý, kádege jaratý men saqtaý (CCUS), tómen kómirtekti sýtegini, jańartylatyn otyn túrlerin, offsetterdi paidalaný salasyndaǵy jáne basqa jobalarmen jumys isteý úshin qurylǵan «Chevron New Energies» bólimshesiniń prezidenti Djeff Gýstavson.
«Shevron» men «QazMunaiGaz» kompaniialarynyń yntymaqtastyǵy – bul Qazaqstannyń 2060 jylǵa qarai kómirtegi beitaraptyǵyna jetý maqsattaryna qoldaý kórsetýdiń naqty kórinisi.
