نۇر-سۇلتان، قازاقستان، 2022 جىلعى 8 ماۋسىم – «شيەۆرون» كورپوراسياسى ءوز فيليالى «شيەۆرون مۇنايگاز ينك.» (بۇدان ءارى – «شيەۆرون») ارقىلى جانە «قازمۇنايگاز» ۇك اق (بۇدان ءارى – قمگ) قازاقستاندا كومىرتەگى شىعارىندىلارىن ازايتۋ سالاسىندا الەۋەتتى جوبالاردى زەرتتەۋ ءۇشىن ءوزارا تۇسىنىستىك تۋرالى مەموراندۋمعا (بۇدان ءارى – مەموراندۋم) قول قويعانى جونىندە مالىمدەدى.
«شيەۆرون» مەن «قازمۇنايگاز» كومىرتەگىنى ۇستاپ قالۋ، كادەگە جاراتۋ مەن ساقتاۋ (CCUS)، تومەن كومىرتەكتى سۋتەگىنى پايدالانۋ، مەتان شىعارىندىلارىن باسقارۋ، ەنەرگيا تيىمدىلىگىن ارتتىرۋ جانە كومىرتەگى باعاسىن ىشتەي بەلگىلەۋ تەتىكتەرىن ەنگىزۋ سالاسىنداعى ورتاق جوبالاردى جۇزەگە اسىرۋ مۇمكىندىكتەرىن زەرتتەۋدى جوسپارلاپ وتىر.
مەموراندۋمعا «شيەۆرون» ەۋرازيا بولىمشەسىنىڭ باسقارۋشى ديرەكتورى دەرەك ماگنەسس جانە قمگ باسقارما ءتوراعاسى ماعزۇم مىرزاعالييەۆ قول قويدى. قۇجاتقا قول قويۋ ءراسىمى نۇر-سۇلتان قالاسىندا شەتەل ينۆەستورلارى كەڭەسىنىڭ 34ء-شى پلەنارلىق وتىرىسى قارساڭىندا «شيەۆرون» كومپانياسىنىڭ بارلاۋ جانە ءوندىرۋ جونىندەگى اتقارۋشى ۆيسە-پرەزيدەنتى دجەي دجونسوننىڭ قاتىسۋىمەن وتكەن رەسمي كەزدەسۋ اياسىندا ءوتتى.
«بۇۇ كليماتتىق امبيسيالار سامميتىندە ەل پرەزيدەنتى قاسىم-جومارت توقايەۆ قازاقستاننىڭ 2060 جىلعا قاراي كومىرتەگىگە بەيتاراپ مەملەكەت بولاتىنى تۋرالى مالىمدەمە جاساعان ەدى. قازمۇنايگاز ءوز تاراپىنان كومىرتەك ءىزىن 2031 جىلعا قاراي 2019 جىلدىڭ دەڭگەيىنەن 15 پايىزعا قىسقارتۋدى ماقسات ەتىپ وتىر.
الداعى ۋاقىتتا دا پاريج كەلىسىمىنىڭ جانە ازىرلەنىپ جاتقان ەلىمىزدىڭ 2060 جىلعا قاراي كومىرتەگى بەيتاراپتىعىنا جەتۋ جونىندەگى ستراتەگياسىنىڭ مىندەتتەرىنە سايكەس جان-جاقتى جۇمىس ىستەمەك. دەگەنمەن كاربونسىزدانۋ ءبىز ءۇشىن جاڭا سالا.
شيەۆروننىڭ مۇناي-گاز سالاسىندا وزىق تەحنولوگيالار مەن جەتىستىكتەردى ەنگىزۋدەگى مول تاجىريبەسى ءبىزدىڭ الەۋەتىمىزدى ارتتىرۋعا سەپتىگىن تيگىزىپ، بولاشاقتا ەنەرگەتيكا كوزدەرىن جاڭارتۋ باعىتىنداعى تومەن كومىرتەگى جوبالارىن بىرىگىپ ىسكە اسىرامىز دەگەن سەنىمدەمىز»، – دەدى قمگ باسشىسى ماعزۇم مىرزاعالييەۆ.
«شيەۆرون» وتىز جىل بويىنا قازاقستاننىڭ ينۆەستورى بولىپ كەلەدى. ءبىز بەرىك قارىم-قاتىناسىمىزدى ماقتان تۇتامىز جانە ەلدىڭ ەنەرگەتيكالىق بولاشاعىنا ينۆەستيسيا قۇيۋعا ۇمتىلامىز. بۇگىن «قازمۇنايگاز» كومپانياسىمەن جاسالعان مەموراندۋم قازاقستاننىڭ ەنەرگەتيكا سالاسىن دامىتۋ جولىندا كومپانيالارىمىزدىڭ قولداۋ نيەتىنىڭ جاڭا كەزەڭى ىسپەتتى، - دەدى ماگنەسس مىرزا.
– ءبىز قازاقستاننىڭ جاسىل ەنەرگياعا كوشۋ مەن كومىرتەگى شىعارىندىلارىن ازايتۋ باعىتىندا ءبىراز جۇمىس اتقاراتىنىمىزعا كامىل سەنەمىز.
«قازمۇنايگاز» كومپانياسىمەن ورناعان ىنتىماقتاستىقتىڭ ارقاسىندا ءبىز قولجەتىمدى، سەنىمدى ءارى تازا ەنەرگيانى قامتاماسىز ەتۋگە ءوز ۇلەسىمىزدى قوسىپ، ءبىزدىڭ ءونىمدى پايدالاناتىن سالالار مەن كليەنتتەرىمىزگە كومىرتەگى شىعارىندىلارىن ازايتۋ ماقساتىنا جەتۋدە قولداۋ كورسەتەمىز دەپ ۇمىتتەنەمىز».
«شيەۆرون» بولاشاقتى تومەن كومىرتەكتى ەنەرگەتيكامەن بايلانىستىرادى. پاريجدە قابىلدانعان كەلىسىم اياسىندا شىعارىندىلاردى قىسقارتۋ جونىندەگى جاھاندىق مىندەتتەردى ورىنداۋ ءۇشىن ىنتىماقتاسا وتىرىپ جۇمىس ىستەۋىمىز كەرەك.
ءبىز «قازمۇنايگاز» كومپانياسىمەن تومەن كومىرتەكتى دامىتۋ سالاسىنداعى الەۋەتتى جوبالاردى بىرگە زەرتتەۋ مۇمكىندىگىن جوعارى باعالايمىز جانە قازاقستاننىڭ تازا ەنەرگيا كوزدەرىنە كوشۋ ۇردىسىنە مول ۇلەس قوسۋدى كوزدەپ وتىرمىز، - دەدى 2021 جىلى كومىرتەگىنى ۇستاپ قالۋ، كادەگە جاراتۋ مەن ساقتاۋ (CCUS)، تومەن كومىرتەكتى سۋتەگىنى، جاڭارتىلاتىن وتىن تۇرلەرىن، وففسەتتەردى پايدالانۋ سالاسىنداعى جانە باسقا جوبالارمەن جۇمىس ىستەۋ ءۇشىن قۇرىلعان «Chevron New Energies» بولىمشەسىنىڭ پرەزيدەنتى دجەفف گۋستاۆسون.
«شيەۆرون» مەن «قازمۇنايگاز» كومپانيالارىنىڭ ىنتىماقتاستىعى – بۇل قازاقستاننىڭ 2060 جىلعا قاراي كومىرتەگى بەيتاراپتىعىنا جەتۋ ماقساتتارىنا قولداۋ كورسەتۋدىڭ ناقتى كورىنىسى.
