Qazmunaigaz Atyraý munai óńdeý zaýytynyń úlesin jekeshelendirý máselesine qatysty túsinikteme berdi, dep habarlaidy Dalanews.kz.
QMG málimetinshe, Pavlodar jáne Atyraý munai óńdeý zaýyttarynyń úlesin jekeshelendirý – Básekelestikti qorǵaý jáne damytý agenttiginiń usynysy bolǵan. Bul usynys kvazimemlekettik sektordyń úlesin tómendetý esebinen munai óńdeý salasynda jáne munai ónimderi naryǵynda básekelestikti damytýǵa baǵyttalǵan. «QazMunaiGaz» UK AQ (QMG) mundai sheshimderdiń daiyndyq jumystary, atap aitqanda korporativtik sheshim qabyldaý, tehnikalyq jáne ekonomikalyq aspektiler kóp ýaqytty qajet etetinin eskere otyryp, bul máseleni zerttep jatyr. Mundai protsester ádette birneshe jylǵa sozylady.
QMG elimizde munai-gaz himiiasy salasyn jan-jaqty damytyp, barlyq óndiris tizbegin birlesip qurý úshin seriktestermen yntymaqtastyq ornatýǵa ashyq kompaniia ekeni belgili. Osyǵan bailanysty alys jáne jaqyn shet elderdiń túrli kompaniialary, sonyń ishinde «Tatneft» JAQ qarastyrylyp otyr.
«QazMunaiGaz» UK AQ jáne «Tatneft» JAQ kompaniialary ózara seriktestik qarym-qatynas aiasynda, sonyń ishinde jekelegen qondyrǵylar men tehnologiialar boiynsha, sondai-aq «Atyraý munai óńdeý zaýyty» JShS-niń munai-himiia shikizaty bazasynda quny joǵary ónim shyǵarýdy uiymdastyrý baǵytynda únemi tájiribe almasady.
Aita ketsek, «Tatneft» JAQ tobyna kiretin kompaniialar óndiristiń operatsiialyq tiimdiligi men quny joǵary munai himiiasy ónimderin shyǵarý salasynda joǵary nátijelerge qol jetkizgen. Sonymen qatar «Tatneft» JAQ «Atyraý munai óńdeý zaýyty» JShS-niń óndiristik qyzmetimen tikelei bailanysty jańa munai himiiasy jobalaryna, atap aitqanda tereftal qyshqyly men polietilentereftalat (TFK jáne PETF) óndirisine investitsiia quiýǵa qyzyǵýshylyq tanytty.
Úsh munai óńdeý zaýytynyń óndiristik kórsetkishteri oń dinamikany kórsetip otyr. Úsh munai óńdeý zaýyty boiynsha jeńil munai ónimderiniń ortasha ónimdiligi 2020 jylǵy 70%-dan 2024 jyly 74%-ǵa jáne 2025 jyldyń 1-toqsanynda fakt boiynsha 76%-ǵa deiin ósti. Óńdeý tereńdigi 2020 jylǵy 85%-dan 2024 jyly 87%-ǵa, al 2025 jyly 1-toqsanynda fakt boiynsha 88,6%-ǵa deiin ulǵaidy.
Jalpy, Qazaqstannyń munai óńdeý zaýyttarynda («CASPI BITUM» BK» JShS qosa alǵanda) byltyr 17,44 million tonna munai óńdeldi. Ishki naryqty qamtamasyz etý úshin 2023 jylmen salystyrǵanda jeńil munai ónimderin shyǵarý kólemin 370 myń tonnaǵa ulǵaitý sharalary qabyldandy.
