قازمۇنايگاز اتىراۋ مۇناي وڭدەۋ زاۋىتىنىڭ ۇلەسىن جەكەشەلەندىرۋ ماسەلەسىنە قاتىستى تۇسىنىكتەمە بەردى، دەپ حابارلايدى Dalanews.kz.
قمگ مالىمەتىنشە، پاۆلودار جانە اتىراۋ مۇناي وڭدەۋ زاۋىتتارىنىڭ ۇلەسىن جەكەشەلەندىرۋ – باسەكەلەستىكتى قورعاۋ جانە دامىتۋ اگەنتتىگىنىڭ ۇسىنىسى بولعان. بۇل ۇسىنىس كۆازيمەملەكەتتىك سەكتوردىڭ ۇلەسىن تومەندەتۋ ەسەبىنەن مۇناي وڭدەۋ سالاسىندا جانە مۇناي ونىمدەرى نارىعىندا باسەكەلەستىكتى دامىتۋعا باعىتتالعان. «قازمۇنايگاز» ۇك اق (قمگ) مۇنداي شەشىمدەردىڭ دايىندىق جۇمىستارى، اتاپ ايتقاندا كورپوراتيۆتىك شەشىم قابىلداۋ، تەحنيكالىق جانە ەكونوميكالىق اسپەكتىلەر كوپ ۋاقىتتى قاجەت ەتەتىنىن ەسكەرە وتىرىپ، بۇل ماسەلەنى زەرتتەپ جاتىر. مۇنداي پروسەستەر ادەتتە بىرنەشە جىلعا سوزىلادى.
قمگ ەلىمىزدە مۇناي-گاز حيمياسى سالاسىن جان-جاقتى دامىتىپ، بارلىق ءوندىرىس تىزبەگىن بىرلەسىپ قۇرۋ ءۇشىن سەرىكتەستەرمەن ىنتىماقتاستىق ورناتۋعا اشىق كومپانيا ەكەنى بەلگىلى. وسىعان بايلانىستى الىس جانە جاقىن شەت ەلدەردىڭ ءتۇرلى كومپانيالارى، سونىڭ ىشىندە «تاتنەفت» جاق قاراستىرىلىپ وتىر.
«قازمۇنايگاز» ۇك اق جانە «تاتنەفت» جاق كومپانيالارى ءوزارا سەرىكتەستىك قارىم-قاتىناس اياسىندا، سونىڭ ىشىندە جەكەلەگەن قوندىرعىلار مەن تەحنولوگيالار بويىنشا، سونداي-اق «اتىراۋ مۇناي وڭدەۋ زاۋىتى» ءجشس-نىڭ مۇناي-حيميا شيكىزاتى بازاسىندا قۇنى جوعارى ءونىم شىعارۋدى ۇيىمداستىرۋ باعىتىندا ۇنەمى تاجىريبە الماسادى.
ايتا كەتسەك، «تاتنەفت» جاق توبىنا كىرەتىن كومپانيالار ءوندىرىستىڭ وپەراسيالىق تيىمدىلىگى مەن قۇنى جوعارى مۇناي حيمياسى ونىمدەرىن شىعارۋ سالاسىندا جوعارى ناتيجەلەرگە قول جەتكىزگەن. سونىمەن قاتار «تاتنەفت» جاق «اتىراۋ مۇناي وڭدەۋ زاۋىتى» ءجشس-نىڭ وندىرىستىك قىزمەتىمەن تىكەلەي بايلانىستى جاڭا مۇناي حيمياسى جوبالارىنا، اتاپ ايتقاندا تەرەفتال قىشقىلى مەن پوليەتيلەنتەرەفتالات (تفك جانە پەتف) وندىرىسىنە ينۆەستيسيا قۇيۋعا قىزىعۋشىلىق تانىتتى.
ءۇش مۇناي وڭدەۋ زاۋىتىنىڭ وندىرىستىك كورسەتكىشتەرى وڭ ديناميكانى كورسەتىپ وتىر. ءۇش مۇناي وڭدەۋ زاۋىتى بويىنشا جەڭىل مۇناي ونىمدەرىنىڭ ورتاشا ونىمدىلىگى 2020 جىلعى 70%-دان 2024 جىلى 74%-عا جانە 2025 جىلدىڭ 1-توقسانىندا فاكت بويىنشا 76%-عا دەيىن ءوستى. وڭدەۋ تەرەڭدىگى 2020 جىلعى 85%-دان 2024 جىلى 87%-عا، ال 2025 جىلى 1-توقسانىندا فاكت بويىنشا 88،6%-عا دەيىن ۇلعايدى.
جالپى، قازاقستاننىڭ مۇناي وڭدەۋ زاۋىتتارىندا («CASPI BITUM» بك» ج ش س قوسا العاندا) بىلتىر 17،44 ميلليون توننا مۇناي وڭدەلدى. ىشكى نارىقتى قامتاماسىز ەتۋ ءۇشىن 2023 جىلمەن سالىستىرعاندا جەڭىل مۇناي ونىمدەرىن شىعارۋ كولەمىن 370 مىڭ تونناعا ۇلعايتۋ شارالارى قابىلداندى.
