– Aqparattar aǵyny artqan kezde buqaralyq aqparat quraldary da kóbeie túsedi. Ózindik aqparattyq nemese kontenttik baǵyt qurý múmkindigi artyp keledi. Búginde búkil bir redaktsiiany ustap otyrýdyń qajeti joq.
Óziń úshin qandai da bir bos keńistik taýyp alyp, sol baǵytta jumys isteý qajet. Soǵan orai aqparat aǵyny da arta túsedi.
Eger 90-jyldardyń basynda qoldanýshy kúnine 20-30 habarlama alsa, búginde ol 2-3 myń aqparat alýy múmkin. Sondyqtan ol qatelesedi, kúmándi aqparattar da túse bastaidy.
Degenmen, erte me, kesh pe bul jait tutynýshynyń aqparatty tańdai bastaýyna alyp keledi. Sol sebepti mediasaýat, aqparattyq gigiena qalyptasady, – dedi Asqar Omarov I Ortalyq Aziia mediaforýmy barysynda.
Spikerdiń atap ótýinshe, búginde Qazaqstanda jáne ózge de elderde joǵary oqý oryndarynda, orta bilim mekemelerinde mediasaýat páni engizilgen.
– Aýditoriia aqparat kóp bolǵan saiyn jalǵan aqparattardyń da kóptep shyǵa bastaitynyn sezinedi jáne oǵan shynaiy túrde áreket jasaidy. Pandemiia feikpen kúresý qajettigin kórsetip berdi.
Eger buǵan deiin feikpen jáne kúmándi aqparatpen qalai kúresemiz dep kelsek, pandemiia kezeńi feikpen kúres mańyzdy ekenin kórsetti. Kúresip qana qoimai, onyń aldyn alý qajettigin baiqatty, – dedi ol.
