«Qazynaly ólke – Maqtaaralym» sharasy ustazdardyń mereiin ósirdi
Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna arnaǵan Joldaýy úlken qýanysh syilap, úmit otyn jaqty. Joldaý pedagogtardyń mártebesin kóterý týraly naqty tapsyrma berýimen qundy. Elbasy saiasatyn qoldap, bilim salasyn álemdik básekege sai jańartý, rýhani jańǵyrý aiasynda ulttyq qundylyqtarymyzdy nasihattaý – ustazdardyń basty boryshy.
Maqtaaral aýdanynyń 90 jyldyǵyna orai Elbasynyń «Bolashaqqa baǵdar: rýhani jańǵyrý» maqalasy aiasynda «Qazynaly ólke – Maqtaaralym» atty onkúndik ótti. Mektepterde ashyq esik kúnderi men túrli saiystar, sonyń ishinde 5 is-shara aýdan kóleminde uiymdastyryldy.
2018-2021 jyldarǵa arnalǵan bilim berýdi damytý tujyrymdamasyn jasadyq. Aldaǵy ýaqytta «Nazarbaev ziiatkerlik mektebi» DBBU jáne Kembridj ýniversitetiniń birlesken baǵdarlamasy negizinde 7 modýldi, innovatsiialyq tehnologiialardy muǵalimderdiń is-tájiribesine endirip, pedagogtardyń kásibi biliktiligi men pedagogikalyq sheberligin arttyrmaqpyz. Oqýshylardyń zamanaýi talaptarǵa jáne Qazaqstan Respýblikasyndaǵy bilim berýdiń jańa standarttaryna sai sapaly bilim alýyna qol jetkizý kózdelinip otyr. «Muǵalimderdiń kásibi biliktiligin arttyrý arqyly oqýshylardyń sapaly bilim alýyna qol jetkizý» damý tujyrymdamasy aldymyzǵa úlken mindetter qoiyp otyr. Sonyń ishinde oqytýdyń otandyq jáne álemdik ozyq tájiribelerin oqý úderisinde júieli paidalaný úshin muǵalimderge teoriialyq jáne praktikalyq múmkindikter týǵyzý, jelilik pedagogikalyq qyzmet jumysyn júieleýimiz kerek.
Dalanews.kz
