ەلباسى جولداۋى ماقتاارال اۋدانىنداعى ۇستازدار قاۋىمىنا ۇلكەن سەرپىلىس اكەلىپ، ولارعا جاڭا مىندەتتەر جۇكتەگەنى بەلگىلى. وسىعان بايلانىستى مۇعالىمدەر تاراپىنان تىڭ تالپىنىستار مەن ىلكىمدى ىزدەنىستەر تۋىنداۋدا.



ەلباسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا ارناعان جولداۋى ۇلكەن قۋانىش سىيلاپ، ءۇمىت وتىن جاقتى. جولداۋ پەداگوگتاردىڭ مارتەبەسىن كوتەرۋ تۋرالى ناقتى تاپسىرما بەرۋىمەن قۇندى. ەلباسى ساياساتىن قولداپ، ءبىلىم سالاسىن الەمدىك باسەكەگە ساي جاڭارتۋ، رۋحاني جاڭعىرۋ اياسىندا ۇلتتىق قۇندىلىقتارىمىزدى ناسيحاتتاۋ – ۇستازداردىڭ باستى بورىشى.

ماقتاارال اۋدانىنىڭ 90 جىلدىعىنا وراي ەلباسىنىڭ «بولاشاققا باعدار: رۋحاني جاڭعىرۋ» ماقالاسى اياسىندا «قازىنالى ولكە – ماقتاارالىم» اتتى ونكۇندىك ءوتتى. مەكتەپتەردە اشىق ەسىك كۇندەرى مەن ءتۇرلى سايىستار، سونىڭ ىشىندە 5 ءىس-شارا اۋدان كولەمىندە ۇيىمداستىرىلدى.

2018-2021 جىلدارعا ارنالعان ءبىلىم بەرۋدى دامىتۋ تۇجىرىمداماسىن جاسادىق. الداعى ۋاقىتتا «نازاربايەۆ زياتكەرلىك مەكتەبى» دببۇ جانە كەمبريدج ۋنيۆەرسيتەتىنىڭ بىرلەسكەن باعدارلاماسى نەگىزىندە 7 ءمودۋلدى، يننوۆاسيالىق تەحنولوگيالاردى مۇعالىمدەردىڭ ىس-تاجىريبەسىنە ەندىرىپ، پەداگوگتاردىڭ كاسىبي بىلىكتىلىگى مەن پەداگوگيكالىق شەبەرلىگىن ارتتىرماقپىز. وقۋشىلاردىڭ زاماناۋي تالاپتارعا جانە قازاقستان رەسپۋبليكاسىنداعى ءبىلىم بەرۋدىڭ جاڭا ستاندارتتارىنا ساي ساپالى ءبىلىم الۋىنا قول جەتكىزۋ كوزدەلىنىپ وتىر. «مۇعالىمدەردىڭ كاسىبي بىلىكتىلىگىن ارتتىرۋ ارقىلى وقۋشىلاردىڭ ساپالى ءبىلىم الۋىنا قول جەتكىزۋ» دامۋ تۇجىرىمداماسى الدىمىزعا ۇلكەن مىندەتتەر قويىپ وتىر. سونىڭ ىشىندە وقىتۋدىڭ وتاندىق جانە الەمدىك وزىق تاجىريبەلەرىن وقۋ ۇدەرىسىندە جۇيەلى پايدالانۋ ءۇشىن مۇعالىمدەرگە تەوريالىق جانە پراكتيكالىق مۇمكىندىكتەر تۋعىزۋ، جەلىلىك پەداگوگيكالىق قىزمەت جۇمىسىن جۇيەلەۋىمىز كەرەك.

 

Dalanews.kz