Búgin Túrkistanda «Qazyna kerýen – 2024» aktsiiasy ótti. Túrkistan oblystyq mádeniet basqarmasynyń bastamasymen «Farab» kitaphanasynyń uiymdastyrǵan is-sharanyń kelesi kóshin Tólebi, Sairam jáne Túlkibas aýdandary jalǵady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Kitaphanashylar «Saq patshaiymy – Tomiris», «Qazaq handyǵy. Abylai Han», «Alash ziialylary», «Turar.Tarih.Tulǵa» taqyryptarymen ár dáýirdiń tulǵalary jaiynda sahnalyq qoiylym kórsetti. «Ádebi kompozitsiia» atty I kezeńde oblystan shyqqan aqyn, jazýshylardyń óleńderinen ádebi kompozitsiialyq kórinis kórsetildi.
Atap aitqanda Sairam aýdandyq ortalyqtandyrylǵan kitaphanalar júiesi «Týǵan jerim tuǵyrym», Tólebi aýdandyq ortalyqtandyrylǵan kitaphanalar júiesi «Tólebidiń ǵajaiyp órnekteri», Túlkibas aýdandyq ortalyqtandyrylǵan kitaphanalar júiesi «Shyraily – Shubarqyzylym» atty ádebi kompozitsiialardy kórermen nazaryna usyndy.
Túrkistan qalasy ardagerler keńesiniń múshesi, UOS ardagerlerimen teńestirilgen atamyz Mársáli Keńes, Túrkistan oblystyq Qoǵamdyq keńesiniń múshesi, Túrkistan oblystyq mediatsiia keńesiniń tóraǵasy, «Bitimger» mediatorlar qoǵamdyq birlestiginiń basshysy, Baqytjan Beisembaev, eńbek ardageri Páiziuly Hamza, Túrkistan qalasy áielder alqasynyń tóraiymy, QR Mádeniet qairatkeri Uljan Mustafaeva, Ádistemelik-innovatsiialyq qyzmet bóliminiń meńgerýshisi Dana Baidaýletova qorytyndy sóz sóilep, aktsiianyń oqyrmanǵa bereri men tanymdyq tustary jaily sóz sóiledi.
Aita keteiik, atalǵan aktsiianyń basty maqsaty – aýdandyq áriptestik bailanysty nyǵaita otyryp, tarihty nasihattaý. Jyldyń sońynda ádebi finalda qorytyndylanady dep josparlanýda.
