Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

«Qazyna» bi ansambli Elbasy qory syilyǵyn ielendi

Dalanews
«Qazyna» bi ansambli Elbasy qory syilyǵyn ielendi
Bul týraly OQO Aimaqtyq kommýnikatsiialar qyzmetinde ótken baspasóz konferentsiiasynda aityldy. Halyqaralyq, respýblikalyq bi festivalderiniń birneshe dúrkin jeńimpazy atanyp júrgen «Qazyna» bi ansambli mádeniet jáne óner salasyndaǵy jetistikteri úshin Qazaqstan Respýblikasynyń Tuńǵysh Prezidenti – Elbasy qory syilyǵynyń iegeri atanyp, 2017 jylǵy 3 naýryz kúni Astana qalasyndaǵy Nazarbaev ortalyǵynda ótken saltanatty marapattaý rásimine qatysyp qaitty.

«Elbasy alǵysyn arqalaǵan Ońtústik ónerpazdarynyń airyqsha marapaty óńirimizde tynbai talaptanyp, qyrýar eńbekpen izdengen bi ujymynyń kóp jyldardaǵy jemisti jetistigi»-dep, atap ótken OQO mádeniet basqarmasy Mádeniet jáne óner bóliminiń basshysy Sharafieva Ǵaliia Alikenqyzy Respýblika boiynsha atalǵan qorǵa jalpy 127 ótinim túsip, onyń ishinde 18 túrli mamandyq ieleri marapattalǵanyn málimdedi. Prezident qorynyń arnaiy tósbelgisi jáne arnaiy syilyǵy - «Qazyna» bi ansambliniń músheleri Timýr Ibragimov, Viktoriia Ýrozaeva, Rýslan Saitov, Daniil Nýgmanov, Aigerim Joldybaeva, Ekaterina Kovalenko, Gúlnar Sataeva jáne Qýanysh Bestembaevtarǵa tabystalǵan bolatyn.

Baspasóz jiynynda arnaiy sóz alǵan «Qazyna» bi ansambliniń múshesi R.Saitov «Elbasy qorynyń arnaiy syilyǵy - eń birinshi kezekte Ońtústik óńirimizdiń jetistigi bolyp sanalady. Qazirgi kúnde 80-nen asa bi qoiylymyn sahnalap úlgergen bizdiń ujym, eńbegin odan ármen jandandyryp, izdenispen qoryn baiyta beretinine sendirgim keledi» dep, óz áserimen bólisti.

Atalǵan bi ujymyna QR mádeniet qairatkeri, pedagogika ǵylymdarynyń kandidaty Ájibekova Záýre Bekembaiqyzy jetekshilik etedi. Shyǵarmashylyq shyńynan kóptegen jetistikterimen kórinip júrgen «Qazyna» bi ansambli 2016 jyly Halyqaralyq «Rozy Kazahstana» bi festivalinde Bas júldeni jeńip alyp, Bolgariiada ótken Halyqaralyq «Vitosha» bi baiqaýynda II orynǵa ie boldy.Sonymen qatar Aýstriia Respýblikasynda 73-shi ret uiymdastyrylǵan Eýropadaǵy eń iri "Villacher Kirchtag" halyqaralyq folklorlyq festivaline Qazaqstan Respýblikasy tuńǵysh ret qatysyp, elimizdiń atynan Ońtústik Qazaqstan oblystyq Sh.Qaldaiaqov atyndaǵy filarmoniianyń "Tumar" folklorlyq jáne "Qazyna" bi ansamblderi qazaqtyń ulttyq ónerin pash etip qaitsa, 2017 jyly Reseidiń Ekaterinbýrg qalasynda ótken Halyqaralyq «Rozy Rossii-2017» bi óneri baiqaý-festivalinde «Qazyna» bi ansambliniń solisteri

G.Sataeva, D.Nýgmanov, B.Baibalashov «Jeke oryndaýshy» nominatsiialarymen bas júldege ie bolǵan bolatyn.

OQO ákiminiń baspasóz qyzmeti

 
OQO «Qazyna» bi ansambli Sharafieva Ǵaliia Alikenqyzy imýr Ibragimov Viktoriia Ýrozaeva Rýslan Saitov Daniil Nýgmanov Aigerim Joldybaeva Ekaterina Kovalenko Gúlnar Sataeva Madina Sádýaqasova

Oqi otyryńyz