«ەلباسى العىسىن ارقالاعان وڭتۇستىك ونەرپازدارىنىڭ ايرىقشا ماراپاتى وڭىرىمىزدە تىنباي تالاپتانىپ، قىرۋار ەڭبەكپەن ىزدەنگەن بي ۇجىمىنىڭ كوپ جىلدارداعى جەمىستى جەتىستىگى»-دەپ، اتاپ وتكەن وقو مادەنيەت باسقارماسى مادەنيەت جانە ونەر ءبولىمىنىڭ باسشىسى شارافييەۆا عاليا اليكەن قىزى رەسپۋبليكا بويىنشا اتالعان قورعا جالپى 127 ءوتىنىم ءتۇسىپ، ونىڭ ىشىندە 18 ءتۇرلى ماماندىق يەلەرى ماراپاتتالعانىن مالىمدەدى. پرەزيدەنت قورىنىڭ ارنايى توسبەلگىسى جانە ارنايى سىيلىعى - «قازىنا» بي ءانسامبلىنىڭ مۇشەلەرى تيمۋر يبراگيموۆ، ۆيكتوريا ۋروزايەۆا، رۋسلان سايتوۆ، دانييل نۋگمانوۆ، ايگەرىم جولدىبايەۆا، ەكاتەرينا كوۆالەنكو، گۇلنار ساتايەۆا جانە قۋانىش بەستەمبايەۆتارعا تابىستالعان بولاتىن.
باسپا ءسوز جيىنىندا ارنايى ءسوز العان «قازىنا» بي ءانسامبلىنىڭ مۇشەسى ر.سايتوۆ «ەلباسى قورىنىڭ ارنايى سىيلىعى - ەڭ ءبىرىنشى كەزەكتە وڭتۇستىك ءوڭىرىمىزدىڭ جەتىستىگى بولىپ سانالادى. قازىرگى كۇندە 80-نەن اسا بي قويىلىمىن ساحنالاپ ۇلگەرگەن ءبىزدىڭ ۇجىم، ەڭبەگىن ودان ارمەن جانداندىرىپ، ىزدەنىسپەن قورىن بايىتا بەرەتىنىنە سەندىرگىم كەلەدى» دەپ، ءوز اسەرىمەن ءبولىستى.
اتالعان بي ۇجىمىنا ق ر مادەنيەت قايراتكەرى، پەداگوگيكا عىلىمدارىنىڭ كانديداتى اجىبەكوۆا زاۋرە بەكەمباي قىزى جەتەكشىلىك ەتەدى. شىعارماشىلىق شىڭىنان كوپتەگەن جەتىستىكتەرىمەن كورىنىپ جۇرگەن «قازىنا» بي ءانسامبلى 2016 جىلى حالىقارالىق «روزى كازاحستانا» بي فەستيۆالىندە باس جۇلدەنى جەڭىپ الىپ، بولگاريادا وتكەن حالىقارالىق «ۆيتوشا» بي بايقاۋىندا II ورىنعا يە بولدى.سونىمەن قاتار اۋستريا رەسپۋبليكاسىندا 73ء-شى رەت ۇيىمداستىرىلعان ەۋروپاداعى ەڭ iرi "Villacher Kirchtag" حالىقارالىق فولكلورلىق فەستيۆالiنە قازاقستان رەسپۋبليكاسى تۇڭعىش رەت قاتىسىپ، ەلىمىزدىڭ اتىنان وڭتۇستىك قازاقستان وبلىستىق ش.قالداياقوۆ اتىنداعى فيلارمونيانىڭ "تۇمار" فولكلورلىق جانە "قازىنا" بي انسامبلدەرى قازاقتىڭ ۇلتتىق ونەرىن پاش ەتىپ قايتسا، 2017 جىلى رەسەيدىڭ ەكاتەرينبۋرگ قالاسىندا وتكەن حالىقارالىق «روزى روسسيي-2017» بي ونەرى بايقاۋ-فەستيۆالىندە «قازىنا» بي ءانسامبلىنىڭ سوليستەرى
گ.ساتايەۆا، د.نۋگمانوۆ، ب.بايبالاشوۆ «جەكە ورىنداۋشى» نوميناسيالارىمەن باس جۇلدەگە يە بولعان بولاتىن.
وقو اكىمىنىڭ باسپا ءسوز قىزمەتى
