Ońtústik Qazaqstan oblysy Qazyǵurt aýdanyndaǵy sharýa qojalyǵy 8 - naýryz Halyqaralyq áielder merekesi qarsańynda 50 myń dana raýshan gúlin satylymǵa shyǵarmaq. «Gýl Mansýr» JShS-niń 1 gektar jylyjaiynda búginde «Chernaia magiia» tuqymdy raýshan gúli kútip, baptalýda. Oblys ákiminiń baspasóz qyzmeti ótkizgen kezekti aqparattyq týr aiasynda BAQ ókilderi atalǵan qojalyqtyń mereke aldyndaǵy daiyndyǵymen tanysty.
Gúl ósirýmen ainalysatyn sharýa qojalyq 2012 jyly eki januianyń birigýimen qurylǵan. Jobanyń investitsiialyq kuny 12 mln. teńgeni quraidy. Qazirgi tańda seriktestiktiń menshiginde 2,5 gektar egistik jer bar. Onyń 1 gektary jylyjai. Onda «Chernaia magiia» tuqymdy raýshan gúli ósiriledi. Qojalyq iesi gúlderge suranys jyl ótken saiyn artyp kele jatqanyn aitady.
– Gúldi alǵash ret 2013 jyly 0,40 gektar jylyjaiǵa egip kórdik. Sosyn gúlge degen suranysty baiqaǵan soń, jylyjai kólemin 1 gektarǵa deiin ulǵaittyq. 2017 jyly 45 myń dana gúl daiyndalyp, aýyl, aýdan jáne oblys kóleminde satylymǵa shyǵaryp, tabysqa keneldik. Biyl túsim odan da jaqsy bolady degen úmittemiz, – deidi qojalyq iesi.
Aita keteiik, qojalyq búginde 5 adamdy jumyspen qamtyp otyr. Maýsym kezinde mundaǵy jumysshylar sany 20-ǵa jetedi. Árbir qyzmetkerge 50 myń teńge kóleminde eńbekaqy tólenedi. Sharýashylyq basshylyǵy bolashaqta jylyjai aýqymyn keńeitýdi josparlap otyr.
OQO ákiminiń baspasóz qyzmeti
https://dalanews.kz/32219
