Qazyǵurttyń gúlderi merekeniń sánin kirgizedi
Gúl ósirýmen ainalysatyn sharýa qojalyq 2013 jyly eki januianyń birigýimen qurylǵan. Jobanyń kuny 15 mln. teńgeni quraidy. Qazirgi tańda seriktestiktiń menshiginde 2,5 gektar egistik jer bar. Onyń 1,5 gektary jylyjai. Onda «Chernaia magiia» tuqymdy raýshan gúli ósiriledi. Qojalyq iesi gúlderge suranys jyl ótken saiyn artyp kele jatqanyn aitady.
«Gúldi alǵash ret 2013 jyly 0,40 gektarǵa egip kórgen bolatynbyz. Nátijesinde gúlge degen suranysty baiqap, jylyjai kólemin 1,5 gektarǵa deiin ulǵaittyq. 2018 jyly 45 myń dana gúl daiyndalyp, aýyl, aýdan jáne oblys kóleminde satylymǵa shyǵaryp, tabysqa keneldik. Biyl túsim odan da jaqsy bolady degen úmittemiz», – deidi qojalyq iesi.
Aita keteiik, qojalyq búginde 4 adamdy jumyspen qamtyp otyr. Maýsym kezinde mundaǵy jumysshylar sany 25-ke jetedi. Árbir qyzmetkerge 70 myń teńge kóleminde eńbekaqy tólenedi.
Túrkistan oblysy ákiminiń baspasóz qyzmeti
