Qazyǵurtta tórt túliktiń sany ósip keledi
Osy qaǵidany esepke alǵan Qazyǵurt aýdanynyń sharýaqojalyqtary aýdandaǵy mal basyn kóbeitýde kóz qýantarlyq jetistikterge jetýde.
Aýdan ákimi Tólegen Telǵaraevtyń aitýynsha, qazyǵurttyq kásipkerler «Sybaǵa», «Altyn asyq» baǵdarlamalarynyń igiligin kórip jatyr.
– Oblys jáne aýdan ákimdikteri, aýyl sharýashylyǵy basqarmasy arasynda úshjaqty kelisim bar. Osynyń nátijesinde bizge belgili bir meje beriledi. Biz bul mejeden asyp tústik. Búginde biz mal basyn kóbeitýdiń jyldyq josparyn oryndadyq. Iri qara 5 myńǵa ósti, qoi – 24 myń, jylqy 1,5 myńǵa artty. Bul – osy sońǵy toǵyz aidyń esepti kórsetkishi.
Mal ónimin eksportqa shyǵarý jónine kelsek, biyldyń ózinde kórshiles Ózbekstanǵa 1000 tonna iri qara mal, 300 tonna qoi eti jóneltildi. Basty jetkizýshimiz – iri qara mal bordaqylaýmen ainalysatyn «Qaiyp ata» JShS-i, – deidi Tólegen Telǵaraev.
Aýdanda sonymen qatar ósimdik maiynyń óndirisi de órkendeýde. Biylǵy Qazyǵurtta óndirilgen ósimdik maiy Qytaiǵa, júzim Reseige, astyq Aýǵanstanǵa jiberilgen. Egistiktegi kórsetkishter boiynsha aýdan «Agrofest» báigesinde jyl saiyn úzdikten qatarynan kórinedi. Biyl 42 myń gektardan 103 myń tonna astyq jinalǵan. Ortasha eseppen, árbir gektarynan 24,5 tsentnerden ónim alynǵan eken.
