وسى قاعيدانى ەسەپكە العان قازىعۇرت اۋدانىنىڭ شارۋاقوجالىقتارى اۋدانداعى مال باسىن كوبەيتۋدە كوز قۋانتارلىق جەتىستىكتەرگە جەتۋدە.
اۋدان اكىمى تولەگەن تەلعارايەۆتىڭ ايتۋىنشا، قازىعۇرتتىق كاسىپكەرلەر «سىباعا»، «التىن اسىق» باعدارلامالارىنىڭ يگىلىگىن كورىپ جاتىر.
– وبلىس جانە اۋدان اكىمدىكتەرى، اۋىل شارۋاشىلىعى باسقارماسى اراسىندا ءۇشجاقتى كەلىسىم بار. وسىنىڭ ناتيجەسىندە بىزگە بەلگىلى ءبىر مەجە بەرىلەدى. ءبىز بۇل مەجەدەن اسىپ تۇستىك. بۇگىندە ءبىز مال باسىن كوبەيتۋدىڭ جىلدىق جوسپارىن ورىندادىق. ءىرى قارا 5 مىڭعا ءوستى، قوي – 24 مىڭ، جىلقى 1،5 مىڭعا ارتتى. بۇل – وسى سوڭعى توعىز ايدىڭ ەسەپتى كورسەتكىشى.
مال ءونىمىن ەكسپورتقا شىعارۋ جونىنە كەلسەك، بيىلدىڭ وزىندە كورشىلەس وزبەكستانعا 1000 توننا ءىرى قارا مال، 300 توننا قوي ەتى جونەلتىلدى. باستى جەتكىزۋشىمىز – ءىرى قارا مال بورداقىلاۋمەن اينالىساتىن «قايىپ اتا» ءجشس-ى، – دەيدى تولەگەن تەلعارايەۆ.
اۋداندا سونىمەن قاتار وسىمدىك مايىنىڭ ءوندىرىسى دە وركەندەۋدە. بيىلعى قازىعۇرتتا وندىرىلگەن وسىمدىك مايى قىتايعا، ءجۇزىم رەسەيگە، استىق اۋعانستانعا جىبەرىلگەن. ەگىستىكتەگى كورسەتكىشتەر بويىنشا اۋدان «اگروفەست» بايگەسىندە جىل سايىن ۇزدىكتەن قاتارىنان كورىنەدى. بيىل 42 مىڭ گەكتاردان 103 مىڭ توننا استىق جينالعان. ورتاشا ەسەپپەن، ءاربىر گەكتارىنان 24،5 سەنتنەردەن ءونىم الىنعان ەكەن.
