Qazyǵurt aýdanynda eldi mekenderdi gazdandyrý jumystaryna 2018 jyly oblystyq búdjetten 1136,6 mln. teńge, aýdandyq búdjetten 8,7 mln teńge jalpy 1145,3 mln teńge bólinip, 4 joba aıasynda eki eldi mekenge gazdandyrýǵa qatysty qurylysy júrgizildi.



Qazirgi kúnge 3 joba boıynsha qurylys jumystary aıaqtaldy. Aýdanda 2018-2020 jyldary 17 eldi mekendi tabıǵı gazben qamtamasyz etý qurylys jumystaryna jobalyq smetalyq qujattar ázirlenip, qurylys jumystaryn  júrgizý josparlanǵan. 2021 jyly tabıǵı gazben qamtylǵan eldi mekender sanyn 61-ge, 95,3 paıyzǵa jetkizý josparlanǵan.

Sol sıaqty Qazyǵurt aýdanynda 63 eldi meken ortalyqtandyrǵan elektr jelisine qosylǵan jáne bir eldi meken derbes  elektr qondyrǵylarymen qamtamasyz etilgen, ıaǵnı aýdanymyz 99,9 paıyzy elektr jaryǵymen qamtylǵan. 2018 jyly 8 eldi mekenniń kóshelerin elektr jaryǵymen qamtamasyz etý úshin jobalyq smetalyq qujattary (JSQ) ázirlenýde.

Jalpy, aýdan 2017-2020 jyldarǵa arnalǵan elektr energıasymen qamtý  jospary boıynsha elektr qýatymen tolyq qamtylady.