Bizdiń ortaq Otanymyz – Qazaqstannyń qazirgidei qaryshtap damyp otyrǵany – elimizdi mekendeýshi barlyq etnostardyń yntymaǵy men birliginiń arqasy.
Táýelsizdigimizdi tuǵyrly etetin de, elimizdi jańa belesterge shyǵaratyn da bizdiń osy qoǵamdyq tatýlyǵymyz.
«Birliksiz el tozady, birlikti el ozady» deitin danalyqtyń shyndyǵyna búginde bárimizdiń kózimiz jetip otyr», – dep Elbasy N.Á.Nazarbaev aitqandai, búginde memleketimizde ulttar dostyǵy berik saqtalyp keledi. Prezident Jarlyǵymen 2015 jyl – Qazaqstan halqy Assambleiasynyń jyly bolyp jariialandy. Bul – elimizdegi ulttar dostyǵyn, tatýlyq pen birlikti odan ári nyǵaitýǵa baǵyttalǵan mańyzdy qadam.
Bul mańyzdy qadam Elbasynyń «Ult jospary 100 naqty qadamymen» ári qarai ushtasyp, jalǵasyn taýyp otyr.
Joldaýda aitylǵan el birligin saqtaý maqsatynda jaqynda Qazyǵurt aýdany Turbat aýylynda «Yrys aldy Yntymaq» atty jiyn ótti.
Basty taqyryp «Ulttar dostyǵy- yntymaq pen birliktiń kepili». Qazaqstan kóp ultty el. Ulttar men ulystardyń yntymaǵy men birligin saqtaý, ózara dostyǵyna selkeý túsirmeý memleketimizdiń basty saiasaty. Sondyqtan árbir ulttyń óz tilin, dinin, dilin qurmetteý arqyly ulttardyń ózara qarym-qatynasy men bailanysyn nyǵaitý boldy.
Búginde aýdan kóleminde 16 ulttyń ókilderi tatý-tátti ǵumyr keshýde. Negizinen, Turbat aýyl okrýgindegi tórt eldi mekende 10281 halyq turady. Onyń 4311 qazaq ulty, 5970 ózbek aǵaiyndar. «Ózbek-óz aǵam »demekshi, qazaqtyń ózbek baýyrlarymen qarym-qatynasynyń tarihy áriden bastalady. Eki ulttyń ózara syilastyǵy men dostyǵy búginde ózge ulttarǵa ónege» dedi jiynda aýdan basshysy.
