ءبىزدىڭ ورتاق وتانىمىز – قازاقستاننىڭ قازىرگىدەي قارىشتاپ دامىپ وتىرعانى – ەلىمىزدى مەكەندەۋشى بارلىق ەتنوستاردىڭ ىنتىماعى مەن بىرلىگىنىڭ ارقاسى.
تاۋەلسىزدىگىمىزدى تۇعىرلى ەتەءتىن دە، ەلىمىزدى جاڭا بەلەستەرگە شىعاراتىن دا ءبىزدىڭ وسى قوعامدىق تاتۋلىعىمىز.
«ءبىرلىكءسىز ەل توزادى، بىرلىكتى ەل وزادى» دەيتىن دانالىقتىڭ شىندىعىنا بۇگىندە ءبارىمىزدىڭ كوزىمىز جەتىپ وتىر»، – دەپ ەلباسى ن.ءا.نازاربايەۆ ايتقانداي، بۇگىندە مەملەكەتىمىزدە ۇلتتار دوستىعى بەرىك ساقتالىپ كەلەدى. پرەزيدەنت جارلىعىمەن 2015 جىل – قازاقستان حالقى اسسامبلەياسىنىڭ جىلى بولىپ جاريالاندى. بۇل – ەلىمىزدەگى ۇلتتار دوستىعىن، تاتۋلىق پەن بىرلىكتى ودان ءارى نىعايتۋعا باعىتتالعان ماڭىزدى قادام.
بۇل ماڭىزدى قادام ەلباسىنىڭ «ۇلت جوسپارى 100 ناقتى قادامىمەن» ءارى قاراي ۇشتاسىپ، جالعاسىن تاۋىپ وتىر.
جولداۋدا ايتىلعان ەل بىرلىگىن ساقتاۋ ماقساتىندا جاقىندا قازىعۇرت اۋدانى تۇربات اۋىلىندا «ىرىس الدى ىنتىماق» اتتى جيىن ءوتتى.
باستى تاقىرىپ «ۇلتتار دوستىعى- ىنتىماق پەن بىرلىكتىڭ كەپىلى». قازاقستان كوپ ۇلتتى ەل. ۇلتتار مەن ۇلىستاردىڭ ىنتىماعى مەن بىرلىگىن ساقتاۋ، ءوزارا دوستىعىنا سەلكەۋ تۇسىرمەۋ مەملەكەتىمىزدىڭ باستى ساياساتى. سوندىقتان ءاربىر ۇلتتىڭ ءوز ءتىلىن، ءدىنىن، ءدىلىن قۇرمەتتەۋ ارقىلى ۇلتتاردىڭ ءوزارا قارىم-قاتىناسى مەن بايلانىسىن نىعايتۋ بولدى.
بۇگىندە اۋدان كولەمىندە 16 ۇلتتىڭ وكىلدەرى ءتاتۋ-تاتتى عۇمىر كەشۋدە. نەگىزىنەن، تۇربات اۋىل وكرۋگىندەگى ءتورت ەلدى مەكەندە 10281 حالىق تۇرادى. ونىڭ 4311 قازاق ۇلتى، 5970 وزبەك اعايىندار. «وزبەك-وز اعام »دەمەكشى، قازاقتىڭ وزبەك باۋىرلارىمەن قارىم-قاتىناسىنىڭ تاريحى ارىدەن باستالادى. ەكى ۇلتتىڭ ءوزارا سىيلاستىعى مەن دوستىعى بۇگىندە وزگە ۇلتتارعا ونەگە» دەدى جيىندا اۋدان باسشىسى.
