Túrkistan oblysynyń Qazyǵurt aýdanynda 2 ga jer aýmaǵynda jyldam pisiriletin kespe shyǵaratyn zaýyt óndirisin keńeitý boiynsha aýqymdy jańǵyrtý jumystary bastaldy.
2018 jyldyń qarasha aiynda zaýyttyń burynǵy iesi — qazaqstandyq kásipker men Nepal eliniń tuńǵysh milliarderi Binod Choýdharige tiesili «Chaudhary Group» (CG Global) korporatsiiasy arasynda zaýytty satyp alý týraly kelisim jasaldy. Mámile aiaqtaǵannan keiin jańa kompaniia qajetti jabdyqtardy ornatyp, ekinshi óndiristik jelini salý jumystaryna kiristi.
«CG Global» korporatsiiasynyń enshiles kásiporny «CG Foods Central Asia» kompaniiasy 2019 jyldyń naýryzynda óndiristi iske qosyp, jylyna 1100 tonna ónim shyǵarýdy josparlaýda.
Kishor Lodha, «CG Foods Central Asia» kompaniiasynyń bas direktory:
«Túrkistan oblysynda bastapqy kezde ónimniń 10 túrin shyǵarýdy kózdep otyrmyz. Barlyq óndiristik tehnologiialar eýropalyq sapa standarttaryna sáikes keledi. Zaýyt janynan taǵy jańa tseh salamyz, onda kespege arnalǵan arnaiy dámdeýishter shyǵarylady».
Ónim daiyndaýda otandyq shikizat: un, tuz, qant, sary mai jáne basqa komponentter qoldanylady. 70% — jergilikti shikizat, 30% — Malaiziia, Singapýr jáne Úndistannan alynǵan shikizat. Kespe 2019 jyldan bastap Ortalyq Aziia elderine eksporttalady.
«CG Global» korporatsiiasynyń iesi Binod Choýdhari 2013 jyly Forbes tizimine engen. Álemniń 30-dan astam elinde 11 túrli baǵytta jumys isteitin 80 kompaniiasynan quralǵan (6 myń qyzmetker) imperiiany qurý úshin oǵan 40 jyl qajet boldy. Búginde onyń bailyǵy $ 1,5 mlrd.quraidy.
