«QazAvtoJol» mamandary bir táýliktiń ishinde «Samara-Shymkent» avto joly baǵytyndaǵy kópirdi qalpyna keltirdi, – dep habarlaidy Dalanews.kz.
2024 jylǵy 28 naýryzda keshki ýaqytta erigen qar sýynyń saldarynan halyqaralyq mańyzy bar M-32 «Samara-Shymkent» avtomobil jolynyń 1132 shaqyrymyndaǵy kópirge jaqyndaýdyń oń jaq bóligin sý alyp, ýaqytsha qozǵalys shekteldi.
2024 jylǵy 29 naýryzda atalmysh máseleni dereý sheshý maqsatynda Aqtóbe oblystyq «QazAvtoJol» UQ» AQ filial mamandary kópirdi qalpyna keltirý jumystaryn bastady.
Jumys barysynda 12 birlik plita men 100 metrlik qisyq syzyqty dińgekter demontajdalyp, 5000 tonna iri qiyrshyqty tas ázirlendi. 31 maman men 65 samosval, 4 pogrýzchik, 1 avtokran, 1 tral jáne 1 greider jumyldyryldy.
Uiymdasqan jumystyń nátijesinde mamandar bir táýlik ishinde kópirdi qalpyna keltirdi. Qazirgi tańda kólik quraldary úshin qozǵalysty ashý josparlanýda.
