«قازاۆتوجول» ماماندارى ءبىر تاۋلىكتىڭ ىشىندە «سامارا-شىمكەنت» اۆتو جولى باعىتىنداعى كوپىردى قالپىنا كەلتىردى، – دەپ حابارلايدى Dalanews.kz.
2024 جىلعى 28 ناۋرىزدا كەشكى ۋاقىتتا ەرىگەن قار سۋىنىڭ سالدارىنان حالىقارالىق ماڭىزى بار م-32 «سامارا-شىمكەنت» اۆتوموبيل جولىنىڭ 1132 شاقىرىمىنداعى كوپىرگە جاقىنداۋدىڭ وڭ جاق بولىگىن سۋ الىپ، ۋاقىتشا قوزعالىس شەكتەلدى.
2024 جىلعى 29 ناۋرىزدا اتالمىش ماسەلەنى دەرەۋ شەشۋ ماقساتىندا اقتوبە وبلىستىق «قازاۆتوجول» ۇق» اق فيليال ماماندارى كوپىردى قالپىنا كەلتىرۋ جۇمىستارىن باستادى.
جۇمىس بارىسىندا 12 بىرلىك پليتا مەن 100 مەترلىك قيسىق سىزىقتى دىڭگەكتەر دەمونتاجدالىپ، 5000 توننا ءىرى قيىرشىقتى تاس ازىرلەندى. 31 مامان مەن 65 ساموسۆال، 4 پوگرۋزچيك، 1 اۆتوكران، 1 ترال جانە 1 گرەيدەر جۇمىلدىرىلدى.
ۇيىمداسقان جۇمىستىڭ ناتيجەسىندە ماماندار ءبىر تاۋلىك ىشىندە كوپىردى قالپىنا كەلتىردى. قازىرگى تاڭدا كولىك قۇرالدارى ءۇشىن قوزعالىستى اشۋ جوسپارلانۋدا.
