Aqtóbe oblysynda Keńqiiaq aýyldyq okrýginiń burynǵy ákimi Qýanyshbek Serikjanov óli tabyldy, dep habarlaidy dalanews.kz.
Oblys ákimdiginiń málimetinshe, 4 mamyrda ol qyzmetinen ketý týraly ótinish jazǵan, al kelesi kúni resmi túrde jumystan bosatylǵan. 6 mamyrda tańerteń Qýanyshbek Serikjanov óz úiinen óli tabylǵan.
Politsiia 42 jastaǵy er adamnyń ólimine qatysty sotqa deiingi tergep-tekserýdi bastady. Qazir oqiǵanyń barlyq mán-jaiy anyqtalyp jatyr.
Aita keteiik, buǵan deiin óńirde osyndai jaǵdai tirkelgen edi. Ol kezde Temir qalasynyń ákimi Erkin Dalmaǵambetov óli tabyldy.
