Ақтөбе облысында Кеңқияқ ауылдық округінің бұрынғы әкімі Қуанышбек Серікжанов өлі табылды, деп хабарлайды dalanews.kz.
Облыс әкімдігінің мәліметінше, 4 мамырда ол қызметінен кету туралы өтініш жазған, ал келесі күні ресми түрде жұмыстан босатылған. 6 мамырда таңертең Қуанышбек Серікжанов өз үйінен өлі табылған.
Полиция 42 жастағы ер адамның өліміне қатысты сотқа дейінгі тергеп-тексеруді бастады. Қазір оқиғаның барлық мән-жайы анықталып жатыр.
Айта кетейік, бұған дейін өңірде осындай жағдай тіркелген еді. Ол кезде Темір қаласының әкімі Еркін Далмағамбетов өлі табылды.
