"QazAvtoJol" UK" AQ-nyń burynǵy tóraǵasy Asqar Maratulynyń isi sotqa jiberildi, dep habarlaidy Dalanews.kz.
Ol biýdjet qarajatyn urlady degen kúdikke ilinip, tergeý júrgizilgen bolatyn.
"Esil ózeni arqyly kópir sala otyryp "Jaqsy-Esil – Buzylyq" avtojolyn kúrdeli jóndeýge bólingen memlekettik qarajatty jymqyrdy degen kúdikpen ustalǵan "QazAvtoJol" UK" AQ burynǵy tóraǵasy men bas merdigerge qatysty tergeý aiaqtaldy”, - dep jazdy vedomstvo.
Eks-basshy merdigermen zańsyz shart jasasqan.
"QazAvtoJol" UK" AQ basshylyǵy merdigermen bir kózden alý tásilimen zańsyz shart jasasty. 200 mln teńge kólemindegi avans maqsatsyz paidalanylǵan", - deidi prokýratýra.
Kólik prokýratýrasy isti Astana qalasynyń sotyna joldady.
