Májilis depýtaty Nurtai Sabilianov avtomobil joldarynyń jaǵdaiyna jaýapty uiymdardyń qyzmetin synǵa aldy, dep habarlaidy Dalanews.kz.
Depýtattyń aitýynsha, memlekettiń tolyq úlesine tiesili “QazAvtoJol” ulttyq kompaniiasy birden eki mindetti qatar atqarady. Bul – joldardy salý jáne olardyń sapasyn baqylaý.
"Olar ózderi jol salyp, óz jumysyn ózderi qadaǵalaidy. Mundai júie memlekettik mindetterdi oryndaý kezinde tiimsiz", – dedi Sabilianov.
Sonymen qatar depýtat Jol aktivteri sapasynyń ulttyq ortalyǵyna qatysty da máselelerdi atap ótti.
"Ortalyq jobalarǵa saraptama jasaidy, qurylysqa usynystar beredi jáne merdiger uiymdardyń kemshilikterin anyqtaidy. Mundai fýnktsiialardy bir mekemeniń atqarýy durys emes", - dep qosty ol.
Sabilianov jergilikti tehnikalyq qadaǵalaý qyzmetteriniń jumysy da talapqa sai emes ekenin jetkizdi.
"Bul qyzmetterdiń jumysy kóbine formaldy túrde oryndalady, al joldardyń sapasy úlken synǵa ushyrap otyr", – dep túiindedi ol.
