"Qazatomónerkásip" Ulttyq atom kompaniiasy" AQ AIX birjasynyń resmi tiziminiń Main alańyna 200 mln dollardyń 2000 dana obligatsiiasyn shyǵardy, dep habarlaidy Dalanews.kz.
Kompaniia obligatsiialaryn 2024 jylǵy 27 qarashada qabyldanyp, 2 jeltoqsanda kúshine engen AIX listingtik komissiiasynyń sheshimi negizinde birjaǵa ornalastyrdy.
Qazatomónerkásip pen "Samuryq-Qazyna" UÁQ" AQ arasynda obligatsiialardy "Satyp alýshy" retinde satyp alý-satýdyń ataýly mámilesin jasaý arqyly uiymdastyrylmaǵan AIX baǵaly qaǵazdar naryǵynda ornalastyrý mynadai negizgi sharttarda kútiledi:
- Obligatsiia túri: kepilsiz kýpondyq obligatsiialar.
- Obligatsiialar sany: 2000 (eki myń) dana.
- Kýpondyq mólsherleme: SOFR+1%.
- Bir obligatsiianyń nominaldy quny jáne nominaldy qunynyń valiýtasy: 100 000 (júz myń) AQSh dollary.
- Obligatsiialar shyǵarylymynyń jalpy kólemi: 200 000 000 (eki júz million) AQSh dollary.
- Obligatsiialardyń ainalym merzimi: 36 (otyz alty) ai (02 jeltoqsan 2024 - 02 jeltoqsan 2027).
Osy obligatsiialar shyǵarylymynyń maqsaty - ainalym kapitalyn tolyqtyrý.
Aita ketsek, Halyk Finance "Qazatomónerkásip" aktsiialary boiynsha burynǵy usynymyn sol kúiinde ózgerissiz qaldyryp otyr. Sonymen:
- Maqsatty baǵa (12 aidaǵy): 22 822 teńge;
- Ósim potentsialy: +14%;
- Qazirgi baǵasy: 20 000 teńge.
