"Qazaqtelekom" Altel men Tele2 uialy bailanys operatorlaryn satatyny belgili boldy, - dep habarlaidy Dalanews.kz.
Ulttyq ekonomika ministrligi Úkimettiń "Jekeshelendirýdiń 2021-2025 jyldarǵa arnalǵan keibir máseleleri týraly" qaýlysyna túzetýler jobasyn jariialady. Bul mańyzdy qujatta "Mobail Telekom-Servis" JShS jeke investorǵa beriletini aitylady.
Al "Mobail Telekom-Servis" JShS dep otyrǵanymyz - Tele2 jáne ALTEL uialy operatorlaryn biriktiretin kompaniia. "Mobail Telekom-Servis "Qazaqtelekom" kompaniiasyna tiesili. Biylǵy 1 qańtardaǵy jaǵdai boiynsha "Qazaqtelekom" aktsiialarynyń 80 paiyzdan astamyn "Samuryq-Qazyna" memlekettik ulttyq ál-aýqat qory ielenedi.
Al tiisti qujat 14 aqpanǵa deiin qoǵamdyq talqylaýda bolady.
Bul sheshim týraly 2022 jyly habarlandy. Al byltyr jazda ministr Baǵdat Mýsin "Ksell" AQ 2023 jyldyń sońyna deiin "Qazaqtelekom" ieliginen shyǵatynyn aitty. Bul kezde satyp alýǵa qyzyqqan eki satyp alýshy bary habarlandy. Alaida bul qandai kompaniialar ekeni áli belgisiz.
Byltyr jyl sońynda Mýsin 2024 jyldyń ishinde "Qazaqtelekom" bul tapsyrmany oryndaýǵa tiis ekenin taǵy aitty.
Aita keteiik, ázirge Beeline-nan bólek uialy telefon operatorlary Qazaqtelekomǵa tiesili.
