2024 jyly telekom-operator Almaty óńiriniń oblys ortalyǵynda optikalyq jelini keńeitý baǵytynda jumystardy qolǵa alǵan. Kompaniianyń tehnikalyq mamandary optikalyq jelini salý boiynsha aýqymdy jumysty aiaqtady, dep habarlaidy Dalanews.kz.
Qonaev qalasynda uzyndyǵy 10 shaqyrym bolatyn jańa talshyqty-optikalyq jeli salyndy, oǵan 780-den astam memlekettik uiym, shaǵyn jáne orta biznes nysandary sátti qosyldy.
«Biz klientterimizdiń barlyǵyn joǵary jyldamdyqty internet jáne zamanaýi telekommýnikatsiialyq qyzmetpen qamtamasyz etýge tyrysamyz. Optikalyq jelini Qonaevta tóseý – bul bailanys sapasyn jaqsartyp, zaman talabyna sai keletin tsifrlyq infraqurylymdy qurýǵa jasalǵan mańyzdy qadam», - dedi «Jeli» diviziony birlestiginiń qol jetkizý jelisi jónindegi direktory Ǵazinur Raiymhanov.
«Tazartý» jobasy aiasynda 2024 jyldyń tamyzynda Qonaevta talshyqty-optikalyq jeliniń qurylysy bastaldy. Bastamany iske asyrý barysynda 11,2 shaqyrym magistraldyq jáne 66 shaqyrym taratý optikalyq kabeli tóselip, sondai-aq 2400 port salyndy.
Osyǵan deiin ADSL tehnologiiasy boiynsha internetti paidalanyp kelgen turǵyndar, bul 1800-den astam klient, jaqyn arada talshyqqa aýysady. Osylaisha, qalany eldegi alǵashqy «optikalyq» oblys ortalyǵy dep ataýǵa bolady.
Telekom-operatordyń málimetinshe, 2024 jyly barlyǵy 70 myńnan astam qoldanýshy «mystan» «talshyqqa» aýysqan.
