«Qazaqtelekom» AQ Servistik fabrikasy filialynyń laýazymdy adamdaryna qatysty tergeý aiaqtaldy, - dep habarlaidy Dalanews.kz.
Jambyl oblysy boiynsha Sybailas jemqorlyqqa qarsy qyzmet ulttyq kompaniianyń jyljymaityn múlik portfelin basqarýǵa jaýapty bólimshe sanalatyn «Qazaqtelekom» AQ Servistik fabrikasy filialynyń laýazymdy adamdary ókilettikterin teris paidalandy degen kúdik boiynsha qylmystyq isti tergeýdi aiaqtady.
"Bas direktor men filial qyzmetkeri memleket múddesine qaishy, onyń ústine kásipker úshin paida tabý maqsatynda Taraz qalasyndaǵy aktsionerlik qoǵamnyń ákimshilik ǵimaratyn tómendetilgen quny boiynsha memleketke 460 mln teńgeden asa somaǵa zalal keltire otyryp, iske asyrdy degen kúdikke ilindi", - dep jazylǵan habarlamada.
Qabyldanǵan sharalar nátijesinde jyljymaityn múlik memlekettik menshikke berildi.
