«قازاقتەلەكوم» اق سەرۆيستىك فابريكاسى فيليالىنىڭ لاۋازىمدى ادامدارىنا قاتىستى تەرگەۋ اياقتالدى، - دەپ حابارلايدى Dalanews.kz.
جامبىل وبلىسى بويىنشا سىبايلاس جەمقورلىققا قارسى قىزمەت ۇلتتىق كومپانيانىڭ جىلجىمايتىن مۇلىك پورتفەلىن باسقارۋعا جاۋاپتى بولىمشە سانالاتىن «قازاقتەلەكوم» اق سەرۆيستىك فابريكاسى فيليالىنىڭ لاۋازىمدى ادامدارى وكىلەتتىكتەرىن تەرىس پايدالاندى دەگەن كۇدىك بويىنشا قىلمىستىق ءىستى تەرگەۋدى اياقتادى.
"باس ديرەكتور مەن فيليال قىزمەتكەرى مەملەكەت مۇددەسىنە قايشى، ونىڭ ۇستىنە كاسىپكەر ءۇشىن پايدا تابۋ ماقساتىندا تاراز قالاسىنداعى اكسيونەرلىك قوعامنىڭ اكىمشىلىك عيماراتىن تومەندەتىلگەن قۇنى بويىنشا مەملەكەتكە 460 ملن تەڭگەدەن اسا سوماعا زالال كەلتىرە وتىرىپ، ىسكە اسىردى دەگەن كۇدىككە ءىلىندى"، - دەپ جازىلعان حابارلامادا.
قابىلدانعان شارالار ناتيجەسىندە جىلجىمايتىن مۇلىك مەملەكەتتىك مەنشىككە بەرىلدى.
