Qazaqstannyń eń iri telekommýnikatsiialyq operatory «Qazaqtelekom» AQ WIDE Project, Japan Registry Services Co., Ltd. (JPRS) jáne APNIC uiymdarymen birlese otyryp, Almaty qalasyndaǵy derekterdi óńdeý ortalyǵynda M-Root serveriniń instansyn ornatý arqyly DNS infraqurylymyn keńeitti, dep habarlaidy Dalanews.kz.
M-Root – «Qazaqtelekom» AQ jelisinde ornalasqan tórtinshi túpki DNS-server, Qazaqstan boiynsha 14-shi jáne Ortalyq Aziiada 22-shi bolyp tabylady.
Qazaqstan jáne Ortalyq Aziia úshin mańyzdy qadam
Atalǵan joba óńirdiń tsifrlyq infraqurylymyn nyǵaitýǵa baǵyttalǵan «Qazaqtelekom» AQ bastamalarynyń bir bóligi bolyp tabylady.
«Qazaqtelekom» AQ men WIDE Project, JPRS jáne APNIC uiymdary DNS infraqurylymyn damytý salasyndaǵy halyqaralyq yntymaqtastyqty kúsheitý maqsatynda ózara túsinistik týraly memorandýmǵa (MoU) qol qoidy.
Jobanyń artyqshylyqtary Qazaqstannyń barlyq aimaqtaryn jáne kórshi elderdiń bir bóligin qamtidy, bul internet paidalanýshylary úshin jeli turaqtylyǵy men derekter almasý jyldamdyǵyn arttyrýǵa múmkindik beredi.
WIDE Project týraly
WIDE (Widely Integrated Distributed Environment) jobasy – Japoniiada ornalasqan jelilik tehnologiialar jáne oǵan bailanysty salalar boiynsha zertteý konsortsiýmy. Joba 1987 jyly qurylǵan jáne Keio ýniversitetinde bazalanǵan. WIDE jobasy M-Root túpki DNS-serverin 1997 jyldyń tamyz aiynan beri basqaryp keledi. 2005 jyldan bastap M-Root serveri WIDE jobasy men JPRS uiymy birlese ákimshilendiredi.
Japan Registry Services Co., Ltd. (JPRS) týraly
Japan Registry Services Co., Ltd. (JPRS) 2000 jylǵy 26 jeltoqsanda JP domen aimaǵyndaǵy domendik ataýlardy tirkeý jáne ákimshilendirýdi júzege asyrý, sondai-aq domendik ataýlar júiesin paidalaný maqsatynda qurylǵan. JPRS ulttyq joǵarǵy deńgeili .jp. domenin basqarady.
APNIC týraly
APNIC (Asia Pacific Network Information Centre) – Aziia-Tynyq muhity óńirinde internet infraqurylymyn qoldaityn jáne damytýǵa baǵyttalǵan ashyq, táýelsiz, kommertsiialyq emes uiym.
Óńirlik internet tirkeýshisi (RIR) retinde APNIC óńirdegi 56 ekonomikalyq aimaqta internetti nómirleý resýrstaryn (IP-mekenjailar jáne avtonomdy júieler nómirleri) qaýymdastyq qabyldaǵan saiasattar negizinde bóledi jáne basqarady.
«Qazaqtelekom» AQ týraly
«Qazaqtelekom» AQ ulttyq operator retinde innovatsiia salasynda kóshbasshylyqty jalǵastyryp, Qazaqstandy joǵary sapaly, jyldam jáne qaýipsiz bailanyspen qamtamasyz etip keledi. Kompaniia el ishinde jáne odan tys aimaqtarda milliondaǵan paidalanýshylarǵa qyzmet kórsetedi.
