قازاقستاننىڭ ەڭ ءىرى تەلەكوممۋنيكاسيالىق وپەراتورى «قازاقتەلەكوم» اق WIDE Project، Japan Registry Services Co.، Ltd. (JPRS) جانە APNIC ۇيىمدارىمەن بىرلەسە وتىرىپ، الماتى قالاسىنداعى دەرەكتەردى وڭدەۋ ورتالىعىندا M-Root سەرۆەرىنىڭ ينستانسىن ورناتۋ ارقىلى DNS ينفراقۇرىلىمىن كەڭەيتتى، دەپ حابارلايدى Dalanews.kz.
M-Root – «قازاقتەلەكوم» اق جەلىسىندە ورنالاسقان ءتورتىنشى تۇپكى DNS-سەرۆەر، قازاقستان بويىنشا 14ء-شى جانە ورتالىق ازيادا 22ء-شى بولىپ تابىلادى.
قازاقستان جانە ورتالىق ازيا ءۇشىن ماڭىزدى قادام
اتالعان جوبا ءوڭىردىڭ سيفرلىق ينفراقۇرىلىمىن نىعايتۋعا باعىتتالعان «قازاقتەلەكوم» اق باستامالارىنىڭ ءبىر بولىگى بولىپ تابىلادى.
«قازاقتەلەكوم» اق مەن WIDE Project، JPRS جانە APNIC ۇيىمدارى DNS ينفراقۇرىلىمىن دامىتۋ سالاسىنداعى حالىقارالىق ىنتىماقتاستىقتى كۇشەيتۋ ماقساتىندا ءوزارا تۇسىنىستىك تۋرالى مەموراندۋمعا (MoU) قول قويدى.
جوبانىڭ ارتىقشىلىقتارى قازاقستاننىڭ بارلىق ايماقتارىن جانە كورشى ەلدەردىڭ ءبىر بولىگىن قامتيدى، بۇل ينتەرنەت پايدالانۋشىلارى ءۇشىن جەلى تۇراقتىلىعى مەن دەرەكتەر الماسۋ جىلدامدىعىن ارتتىرۋعا مۇمكىندىك بەرەدى.
WIDE Project تۋرالى
WIDE (Widely Integrated Distributed Environment) جوباسى – جاپونيادا ورنالاسقان جەلىلىك تەحنولوگيالار جانە وعان بايلانىستى سالالار بويىنشا زەرتتەۋ كونسورسيۋمى. جوبا 1987 جىلى قۇرىلعان جانە كەيو ۋنيۆەرسيتەتىندە بازالانعان. WIDE جوباسى M-Root تۇپكى DNS-سەرۆەرىن 1997 جىلدىڭ تامىز ايىنان بەرى باسقارىپ كەلەدى. 2005 جىلدان باستاپ M-Root سەرۆەرى WIDE جوباسى مەن JPRS ۇيىمى بىرلەسە اكىمشىلەندىرەدى.
Japan Registry Services Co.، Ltd. (JPRS) تۋرالى
Japan Registry Services Co.، Ltd. (JPRS) 2000 جىلعى 26 جەلتوقساندا JP دومەن ايماعىنداعى دومەندىك اتاۋلاردى تىركەۋ جانە اكىمشىلەندىرۋدى جۇزەگە اسىرۋ، سونداي-اق دومەندىك اتاۋلار جۇيەسىن پايدالانۋ ماقساتىندا قۇرىلعان. JPRS ۇلتتىق جوعارعى دەڭگەيلى .jp. دومەنىن باسقارادى.
APNIC تۋرالى
APNIC (Asia Pacific Network Information Centre) – ازيا-تىنىق مۇحيتى وڭىرىندە ينتەرنەت ينفراقۇرىلىمىن قولدايتىن جانە دامىتۋعا باعىتتالعان اشىق، تاۋەلسىز، كوممەرسيالىق ەمەس ۇيىم.
وڭىرلىك ينتەرنەت تىركەۋشىسى (RIR) رەتىندە APNIC وڭىردەگى 56 ەكونوميكالىق ايماقتا ينتەرنەتتى نومىرلەۋ رەسۋرستارىن (IP-مەكەنجايلار جانە اۆتونومدى جۇيەلەر نومىرلەرى) قاۋىمداستىق قابىلداعان ساياساتتار نەگىزىندە بولەدى جانە باسقارادى.
«قازاقتەلەكوم» اق تۋرالى
«قازاقتەلەكوم» اق ۇلتتىق وپەراتور رەتىندە يننوۆاسيا سالاسىندا كوشباسشىلىقتى جالعاستىرىپ، قازاقستاندى جوعارى ساپالى، جىلدام جانە ءقاۋىپسىز بايلانىسپەن قامتاماسىز ەتىپ كەلەدى. كومپانيا ەل ىشىندە جانە ودان تىس ايماقتاردا ميلليونداعان پايدالانۋشىلارعا قىزمەت كورسەتەدى.
