"Meniń zamandastarym, odan keiingi urpaq qazaq tarihy Qazan tóńkerisinen bastalady dep eseptedik. Biz úshin qazaqtyń basqa tarihy bolmaǵandai edi. Alaida qazir ony tereń zertteýimiz qajet.
Bizdiń ata-babamyz – ǵundar, odan jaqyndaý kelsek – Uly Túrik qaǵanaty. Bizdiń jerimiz árqashan sol memleketterdiń ortalyǵy bolǵan. Sondai-aq Altyn Orda memleketi bar.
Osynyń barlyǵyn qorytyndylasaq, bizdiń tarihymyz eki myń jylǵa jalǵasady. Alýan túrli zamandy bastan ótkere otyryp, biz óz tilimizdi, dinimizdi jáne ózindik ereksheligimizdi saqtai aldyq. Biz jastarymyzdy osy rýhta tárbieleýimiz kerek", – delingen jazbada.
Óz kezeginde jelidegi jurt muny Nazarbaevtyń Resei prezidenti Pýtinge qaitarǵan jaýaby dep joramaldady.
Pýtin buǵan deiin "qazaqtarda eshqashan memleket bolmaǵan" dep málimdegen bolatyn.
[caption id="attachment_50543" align="aligncenter" width="768"]
2014 jyly jastar forýmy kezinde Pýtin "Nazarbaevtyń eshqashan memleketi bolmaǵan qazaqtarǵa memleket jasap bergen" aitqan.
- Ol erekshe nárse jasady. Ol eshqashan memleket bolmaǵan aýmaqta memleket qurdy. Qazaqtarda eshqashan memlekettilik bolmaǵan, - degen edi Resei prezidenti.
Pýtinniń sózi Qazaqstandaǵy áleýmettik jelilerde narazylyq týǵyzdy. Twitter-degi «Pýtinge tarih oqýlyǵyn jiber» aktsiiasy bastalǵanyn habarlaǵan jazba júz shaqty ret kóshirilip jariialanǵan.
Keiinnen "Qazaq handyǵy" serialy túsirildi. Serialdy túsirýge Vladimir Pýtinniń sózi sebep bolǵan.
"Esterińizde me, Pýtin qazaqtarda eshqashan memleket bolmaǵanyn, keiin Nazarbaev qurǵanyn aityp edi ǵoi. Bul bizdiń serialdy túsirýmizge úlken sebep boldy", - deidi kinotýyndynyń prodiýseri Arman Asenov.
Resei prezidentiniń TMD keńistigindegi elderdi "kemsitýi" birinshi ret emes.
Byltyr reseilik tilshilerge suhbat bergen ol "18 ǵasyrdyń sońy - 19 ǵasyrdyń basynda Grýziia degen memleket bolmaǵan, onyń ornynda Tiflis gýberniiasy bolǵan" dep málimdegen edi.
Sarapshylar pikirinshe Pýtin osy arqyly Kremldiń geosaiasi múddesin alǵa tartýdy kózdeidi.
