"مەنىڭ زامانداستارىم، ودان كەيىنگى ۇرپاق قازاق تاريحى قازان توڭكەرىسىنەن باستالادى دەپ ەسەپتەدىك. ءبىز ءۇشىن قازاقتىڭ باسقا تاريحى بولماعانداي ەدى. الايدا ءقازىر ونى تەرەڭ زەرتتەۋىمىز قاجەت.
ءبىزدىڭ اتا-بابامىز – عۇندار، ودان جاقىنداۋ كەلسەك – ۇلى تۇرىك قاعاناتى. ءبىزدىڭ جەرىمىز ءارقاشان سول مەملەكەتتەردىڭ ورتالىعى بولعان. سونداي-اق التىن وردا مەملەكەتى بار.
وسىنىڭ بارلىعىن قورىتىندىلاساق، ءبىزدىڭ تاريحىمىز ەكى مىڭ جىلعا جالعاسادى. الۋان ءتۇرلى زاماندى باستان وتكەرە وتىرىپ، ءبىز ءوز ءتىلىمىزدى، ءدىنىمىزدى جانە وزىندىك ەرەكشەلىگىمىزدى ساقتاي الدىق. ءبىز جاستارىمىزدى وسى رۋحتا تاربيەلەۋىمىز كەرەك"، – دەلىنگەن جازبادا.
ءوز كەزەگىندە جەلىدەگى جۇرت مۇنى نازاربايەۆتىڭ رەسەي پرەزيدەنتى پۋتينگە قايتارعان جاۋابى دەپ جورامالدادى.
پۋتين بۇعان دەيىن "قازاقتاردا ەشقاشان مەملەكەت بولماعان" دەپ مالىمدەگەن بولاتىن.
[caption id="attachment_50543" align="aligncenter" width="768"]
"اق پاتشانىڭ ورالۋى" دەگەن ماقالا جاريالاعان Economist جۋرنالىنىڭ مۇقاباسى. فرانسيا، ستراسبۋرگ. 28 قازان، 2017 جىل[/caption]
2014 جىلى جاستار فورۋمى كەزىندە پۋتين "نازاربايەۆتىڭ ەشقاشان مەملەكەتى بولماعان قازاقتارعا مەملەكەت جاساپ بەرگەن" ايتقان.
- ول ەرەكشە نارسە جاسادى. ول ەشقاشان مەملەكەت بولماعان اۋماقتا مەملەكەت قۇردى. قازاقتاردا ەشقاشان مەملەكەتتىلىك بولماعان، - دەگەن ەدى رەسەي پرەزيدەنتى.
ءپۋتيننىڭ ءسوزى قازاقستانداعى الەۋمەتتىك جەلىلەردە نارازىلىق تۋعىزدى. Twitter-دەگى «پۋتينگە تاريح وقۋلىعىن جىبەر» اكسياسى باستالعانىن حابارلاعان جازبا ءجۇز شاقتى رەت كوشىرىلىپ جاريالانعان.
كەيىننەن "قازاق حاندىعى" سەريالى ءتۇسىرىلدى. سەريالدى تۇسىرۋگە ۆلاديمير ءپۋتيننىڭ ءسوزى سەبەپ بولعان.
"ەستەرىڭىزدە مە، پۋتين قازاقتاردا ەشقاشان مەملەكەت بولماعانىن، كەيىن نازاربايەۆ قۇرعانىن ايتىپ ەدى عوي. بۇل ءبىزدىڭ سەريالدى تۇسىرۋمىزگە ۇلكەن سەبەپ بولدى"، - دەيدى كينوتۋىندىنىڭ پروديۋسەرى ارمان اسەنوۆ.
رەسەي پرەزيدەنتىنىڭ تمد كەڭىستىگىندەگى ەلدەردى "كەمسىتۋى" ءبىرىنشى رەت ەمەس.
بىلتىر رەسەيلىك تىلشىلەرگە سۇحبات بەرگەن ول "18 عاسىردىڭ سوڭى - 19 عاسىردىڭ باسىندا گرۋزيا دەگەن مەملەكەت بولماعان، ونىڭ ورنىندا تيفليس گۋبەرنياسى بولعان" دەپ مالىمدەگەن ەدى.
ساراپشىلار پىكىرىنشە پۋتين وسى ارقىلى كرەملدىڭ گەوساياسي مۇددەسىن العا تارتۋدى كوزدەيدى.
