28 shildede Qazaqstannyń basym bóliginde atmosferalyq fronttardyń áserinen qubylmaly aýa raiy saqtalady, al ońtústik óńirlerde aptap ystyq kúsheiedi, dep habarlaidy dalanews.kz.
Sinoptikterdiń boljamynsha, eldiń kóp bóliginde jańbyr jaýyp, naizaǵai oinaidy. Soltústik, shyǵys jáne batystyń jekelegen aýdandarynda nóser jańbyr jaýyp, burshaq túsip, ekpindi jel soǵady. Kei jerlerde shańdy daýyl men tuman kútiledi.
Sonymen qatar respýblikanyń ońtústigi men ońtústik-batysynda aptap ystyq saqtalady. Kúndiz Mańǵystaý, Qyzylorda, Túrkistan oblystarynda jáne Jambyl oblysynyń jekelegen aýdandarynda aýa temperatýrasy +40+44 gradýsqa deiin kóteriledi. Atyraý, Aqtóbe oblystarynyń birqatar aýdandarynda da +40+42 gradýsqa deiin ystyq bolady.
Qazgidromet málimetinshe, elimizdiń birqatar óńirinde joǵary jáne tótenshe órt qaýpi saqtalady.
