Merdiger "QazMunaiGaz" UK AQ qyzmetkeri jumys ornynda qaza tapty, dep habarlaidy Dalanews.kz.
Áleýmettik jelide 27 qańtarda "Ózenmunaigaz" AQ-ǵa qarasty Ózen ken orny aýmaǵynda qaiǵyly oqiǵa bolǵany týraly habarlama tarady.
Sońǵy málimetterge súiensek, munda "Ózenmunaiservis" AQ merdigeri "MýnaiSpetsSnabKompani" JShS qyzmetkeri uńǵymaǵa kúrdeli jóndeý júrgizý kezinde qaza bolǵan.
Iaǵni, oǵan brigada jumysshylaryn ornalastyrýǵa arnalǵan dóńgelekti turǵyn kólik - mádeniet kabinasynyń baspaldaqtarymen kóterilip bara jatqan kezde elektr symynyń zaqymdanýy saldarynan tok soqqan.
Oqiǵa ornyna kelgen jedel meditsinalyq járdem qyzmetkerleri jumysshynyń qaitys bolǵanyn rastady. Oqiǵanyń aldyn ala sebebi - tutynýshylardyń elektr qondyrǵylaryn tehnikalyq paidalaný erejeleriniń talaptaryn buzý.
Eske salaiyq, buǵan deiin Ulytaý óńirindegi shahtada "Qazaqmys" jumysshysynyń qaza tapqany habarlanǵan edi.
