مەردىگەر "قازمۇنايگاز" ۇك اق قىزمەتكەرى جۇمىس ورنىندا قازا تاپتى، دەپ حابارلايدى Dalanews.kz.
الەۋمەتتىك جەلىدە 27 قاڭتاردا "وزەنمۇنايگاز" اق-عا قاراستى وزەن كەن ورنى اۋماعىندا قايعىلى وقيعا بولعانى تۋرالى حابارلاما تارادى.
سوڭعى مالىمەتتەرگە سۇيەنسەك، مۇندا "وزەنمۇنايسەرۆيس" اق مەردىگەرى "مۋنايسپەسسنابكومپاني" ج ش س قىزمەتكەرى ۇڭعىماعا كۇردەلى جوندەۋ جۇرگىزۋ كەزىندە قازا بولعان.
ياعني، وعان بريگادا جۇمىسشىلارىن ورنالاستىرۋعا ارنالعان دوڭگەلەكتى تۇرعىن كولىك - مادەنيەت كابيناسىنىڭ باسپالداقتارىمەن كوتەرىلىپ بارا جاتقان كەزدە ەلەكتر سىمىنىڭ زاقىمدانۋى سالدارىنان توك سوققان.
وقيعا ورنىنا كەلگەن جەدەل مەديسينالىق جاردەم قىزمەتكەرلەرى جۇمىسشىنىڭ قايتىس بولعانىن راستادى. وقيعانىڭ الدىن الا سەبەبى - تۇتىنۋشىلاردىڭ ەلەكتر قوندىرعىلارىن تەحنيكالىق پايدالانۋ ەرەجەلەرىنىڭ تالاپتارىن بۇزۋ.
ەسكە سالايىق، بۇعان دەيىن ۇلىتاۋ وڭىرىندەگى شاحتادا "قازاقمىس" جۇمىسشىسىنىڭ قازا تاپقانى حابارلانعان ەدى.
