QR Ulttyq banki ulttyq valiýta – teńge kúniniń qurmetine orai 2025 jyldyń I toqsanynda jańa "Tsifrlyq investitsiialyq moneta" jobasyn iske qosý jospary baryn málimdedi. Altyn investitsiialyq monetalardy kez kelgen ýaqytta jáne álemniń kez kelgen núktesinen online satyp alýǵa jáne satýǵa bolady, dep habarlaidy Dalanews.kz.
Tsifrlyq balamadaǵy investitsiialyq monetanyń quny LBMA (London baǵaly metaldar naryǵyna qatysýshylardyń qaýymdastyǵy) belgilegen altynnyń salmaǵy men baǵasyna sai jáne Ulttyq bank belgilegen AQSh dollarynyń teńgege shaqqandaǵy aiyrbas baǵamy negizinde teńgemen esepteletin bolady.
Monetalar Astana International Exchange (AIX) birjasynyń TABYS mobildi qosymshasy arqyly satylady.
"Tsifrlyq investitsiialyq moneta" jobasy aiasynda monetalardy satyp alýǵa, Ulttyq bankke keri satýǵa, syilaýǵa, sondai-aq olardyń jetkilikti sany jinaqtalǵan kezde Ulttyq Banktiń aýmaqtyq filialdarynda zattai altyn investitsiialyq monetaǵa aiyrbastaýǵa bolady.
Osy joba úshin arnaiy jańa ÚKI investitsiialyq monetasynyń ekskliýzivti dizainy ázirlenip otyr. Onyń salmaǵy - 31,1 gramm, nominaly 100 teńge, altyn synamasy – Au 999,9.
Moneta "Kóshpendilerdiń ǵibadat janýarlary – totemderi" seriiasyndaǵy kollektsiialyq monetalar stilinde jasalǵan. ÚKI investitsiialyq monetasyn tek TABYS mobildi qosymshasy arqyly satyp alýǵa bolady.
Joba naqty qai kúni iske qosylatyny týraly aqparat Ulttyq banktiń resmi internet-resýrsynda qosymsha jariialanady.
