2025 jyly Qazaqstannyń aǵymdaǵy shotynyń tapshylyǵy 12,5 mlrd dollarǵa deıin ulǵaıdy. Bul týraly Úkimet otyrysynda Erulan Jamaýbaev málimdedi, dep habarlaıdy Dalanews.kz.

Onyń aıtýynsha, 2024 jyly 6,8 mlrd dollar bolǵan tapshylyq bir jyl ishinde aıtarlyqtaı ósip, 12,5 mlrd dollarǵa jetken. Buǵan saýda balansy profısıtiniń qysqarýy sebep bolǵan.

Eksport kólemi ótken jyldyń deńgeıinde saqtalyp, 90,1 mlrd dollardy quraǵan. Taýar eksportynyń tómendeýi qyzmet eksportynyń ósýimen ótelgen. Al ımport kólemi 9%-ǵa artyp, 80,3 mlrd dollarǵa jetken. Negizgi ósim ónerkásiptik taýarlardy satyp alýdyń ulǵaıýymen baılanysty.

Sonymen qatar tabys balansynyń tapshylyǵy 4%-ǵa qysqaryp, 22,3 mlrd dollardy quraǵan. Bul kórsetkish negizinen shıkizat eksportynan túsetin taza tabystyń azaıýymen baılanysty.

Jamaýbaevtyń sózinshe, soǵan qaramastan rezıdent emes tulǵalarǵa tólenetin tólemder kólemi áli de joǵary deńgeıde qalyp otyr. Bul tólem balansyna qysym túsirip otyr.