2025 جىلى قازاقستاننىڭ اعىمداعى شوتىنىڭ تاپشىلىعى 12,5 ملرد دوللارعا دەيٸن ۇلعايدى. بۇل تۋرالى ٷكٸمەت وتىرىسىندا ەرۇلان جاماۋباەۆ مەلٸمدەدٸ, دەپ حابارلايدى Dalanews.kz.
ونىڭ ايتۋىنشا, 2024 جىلى 6,8 ملرد دوللار بولعان تاپشىلىق بٸر جىل ٸشٸندە ايتارلىقتاي ٶسٸپ, 12,5 ملرد دوللارعا جەتكەن. بۇعان ساۋدا بالانسى پروفيتسيتٸنٸڭ قىسقارۋى سەبەپ بولعان.
ەكسپورت كٶلەمٸ ٶتكەن جىلدىڭ دەڭگەيٸندە ساقتالىپ, 90,1 ملرد دوللاردى قۇراعان. تاۋار ەكسپورتىنىڭ تٶمەندەۋٸ قىزمەت ەكسپورتىنىڭ ٶسۋٸمەن ٶتەلگەن. ال يمپورت كٶلەمٸ 9%-عا ارتىپ, 80,3 ملرد دوللارعا جەتكەن. نەگٸزگٸ ٶسٸم ٶنەركەسٸپتٸك تاۋارلاردى ساتىپ الۋدىڭ ۇلعايۋىمەن بايلانىستى.
سونىمەن قاتار تابىس بالانسىنىڭ تاپشىلىعى 4%-عا قىسقارىپ, 22,3 ملرد دوللاردى قۇراعان. بۇل كٶرسەتكٸش نەگٸزٸنەن شيكٸزات ەكسپورتىنان تٷسەتٸن تازا تابىستىڭ ازايۋىمەن بايلانىستى.
جاماۋباەۆتىڭ سٶزٸنشە, سوعان قاراماستان رەزيدەنت ەمەس تۇلعالارعا تٶلەنەتٸن تٶلەمدەر كٶلەمٸ ەلٸ دە جوعارى دەڭگەيدە قالىپ وتىر. بۇل تٶلەم بالانسىنا قىسىم تٷسٸرٸپ وتىر.
