2024 jylǵy geologiialyq barlaý jumystarynyń nátijeleri boiynsha quramynda mineraldy qory men resýrstary bar 17 ken orny memlekettik tirkeýge alyndy, dep habarlaidy Dalanews.kz Úkimet basshysynyń baspasóz qyzmetine silteme jasap.
Qazaqstan perspektivaly aýmaqtardy zerdeleý jáne geologiia salasyna investitsiia tartý boiynsha sheteldik áriptestermen yntymaqtastyqty belsendi túrde keńeitip keledi. Búgingi tańda mineraldy-shikizat bazasy qatty paidaly qazbalardyń 987 ken ornyn qamtidy jáne olardy barlaý dinamikasy oń kúiinde qalyp otyr.
2024 jylǵy geologiialyq barlaý jumystarynyń nátijeleri boiynsha quramynda mineraldy qory men resýrstary bar 17 ken orny memlekettik tirkeýge alyndy:
-
altyn – qory 107,5 tonna, resýrstary 337,04 tonna,
-
kúmis – qory 1904,5 tonna, resýrstary 172087,2 tonna,
-
mys – qory 4916,7 myń tonna, resýrstary 7796,9 myń tonna,
-
myrysh – qory 2549,6 myń tonna, resýrstary 338,9 myń tonna,
-
temir kenderi – qory 128 mln tonna, resýrstary 162 mln tonna,
-
qorǵasyn – qory 1319,5 myń tonna, resýrstary 64,1 myń tonna,
-
volfram – qory 409,9 myń tonna, resýrstary 743 myń tonna,
-
hrom – resýrstary 464,1 myń tonna,
-
molibden – qory 14 t, resýrstary 39 tonna,
-
marganets – qory 794 myń tonna, resýrstary 1137,3 myń tonna.
Sondai-aq biyl alǵash ret kómirsýtek shikizatynyń 6 ken orny memlekettik esepke qoiyldy: Dolinnoe, Jylandy, Bala-Úrpek, Darbazin toptyq sý qubyry, Torǵai Paleozoi jáne Korolevskoe.
Sirek jer metaldary salasyn damytýǵa baǵyttalǵan jer qoinaýyn memlekettik geologiialyq zertteý sheńberinde 12 ýchaskede izdeý jumystary jalǵasýda.
Búgingi kúni qorlary shamamen 800 myń tonnaǵa baǵalanatyn Kúirektikól ýchaskesiniń perspektivalylyǵy týraly derekter bar, al sirek kezdesetin metaldardyń, onyń ishinde tserii men lantanidterdiń 935,4 myń tonna mólsherindegi boljamdy resýrstary bar.
Aita ketsek,qoldanystaǵy ken oryndary boiynsha kelisimsharttardyń keibiri 2024-2025 jyldary aiaqtalady. 2024 jyly kelisimsharty aiaqtalǵandardyń birqatary elektrondy aýktsionǵa shyǵarylyp úlgerdi. Buǵan deiin bul rette úlestik menshikke ie bolǵandardyń basym bóligi qytailyq kompaniialar ekenin jazǵan bolatynbyz.
