2024 جىلعى گەولوگيالىق بارلاۋ جۇمىستارىنىڭ ناتيجەلەرى بويىنشا قۇرامىندا مينەرالدى قورى مەن رەسۋرستارى بار 17 كەن ورنى مەملەكەتتىك تىركەۋگە الىندى، دەپ حابارلايدى Dalanews.kz ۇكىمەت باسشىسىنىڭ باسپا ءسوز قىزمەتىنە سىلتەمە جاساپ.
قازاقستان پەرسپەكتيۆالى اۋماقتاردى زەردەلەۋ جانە گەولوگيا سالاسىنا ينۆەستيسيا تارتۋ بويىنشا شەتەلدىك ارىپتەستەرمەن ىنتىماقتاستىقتى بەلسەندى تۇردە كەڭەيتىپ كەلەدى. بۇگىنگى تاڭدا مينەرالدى-شيكىزات بازاسى قاتتى پايدالى قازبالاردىڭ 987 كەن ورنىن قامتيدى جانە ولاردى بارلاۋ ديناميكاسى وڭ كۇيىندە قالىپ وتىر.
2024 جىلعى گەولوگيالىق بارلاۋ جۇمىستارىنىڭ ناتيجەلەرى بويىنشا قۇرامىندا مينەرالدى قورى مەن رەسۋرستارى بار 17 كەن ورنى مەملەكەتتىك تىركەۋگە الىندى:
-
التىن – قورى 107،5 توننا، رەسۋرستارى 337،04 توننا،
-
كۇمىس – قورى 1904،5 توننا، رەسۋرستارى 172087،2 توننا،
-
مىس – قورى 4916،7 مىڭ توننا، رەسۋرستارى 7796،9 مىڭ توننا،
-
مىرىش – قورى 2549،6 مىڭ توننا، رەسۋرستارى 338،9 مىڭ توننا،
-
تەمىر كەندەرى – قورى 128 ملن توننا، رەسۋرستارى 162 ملن توننا،
-
قورعاسىن – قورى 1319،5 مىڭ توننا، رەسۋرستارى 64،1 مىڭ توننا،
-
ۆولفرام – قورى 409،9 مىڭ توننا، رەسۋرستارى 743 مىڭ توننا،
-
حروم – رەسۋرستارى 464،1 مىڭ توننا،
-
موليبدەن – قورى 14 ت، رەسۋرستارى 39 توننا،
-
مارگانەس – قورى 794 مىڭ توننا، رەسۋرستارى 1137،3 مىڭ توننا.
سونداي-اق بيىل العاش رەت كومىرسۋتەك شيكىزاتىنىڭ 6 كەن ورنى مەملەكەتتىك ەسەپكە قويىلدى: دوليننوە، جىلاندى، بالا-ۇرپەك، داربازين توپتىق سۋ قۇبىرى، تورعاي پالەوزوي جانە كوروليەۆسكوە.
سيرەك جەر مەتالدارى سالاسىن دامىتۋعا باعىتتالعان جەر قويناۋىن مەملەكەتتىك گەولوگيالىق زەرتتەۋ شەڭبەرىندە 12 ۋچاسكەدە ىزدەۋ جۇمىستارى جالعاسۋدا.
بۇگىنگى كۇنى قورلارى شامامەن 800 مىڭ تونناعا باعالاناتىن كۇيرەكتىكول ۋچاسكەسىنىڭ پەرسپەكتيۆالىلىعى تۋرالى دەرەكتەر بار، ال سيرەك كەزدەسەتىن مەتالداردىڭ، ونىڭ ىشىندە سەريي مەن لانتانيدتەردىڭ 935،4 مىڭ توننا مولشەرىندەگى بولجامدى رەسۋرستارى بار.
ايتا كەتسەك،قولدانىستاعى كەن ورىندارى بويىنشا كەلىسىمشارتتاردىڭ كەيبىرى 2024-2025 جىلدارى اياقتالادى. 2024 جىلى كەلىسىمشارتى اياقتالعانداردىڭ ءبىرقاتارى ەلەكتروندى اۋكسيونعا شىعارىلىپ ۇلگەردى. بۇعان دەيىن بۇل رەتتە ۇلەستىك مەنشىككە يە بولعانداردىڭ باسىم بولىگى قىتايلىق كومپانيالار ەكەنىن جازعان بولاتىنبىز.
