Vengriia parlamenti prezident Tamash Shýiokty qyzmetinen ketirýge múmkindik beretin konstitýtsiialyq túzetýdi qabyldady, dep habarlaidy dalanews.kz.
Reuters agenttiginiń málimetinshe, túzetýdi premer-ministr Peter Madiardyń úkimeti usynǵan. Qujat parlamentte 139 depýtattyń qoldaýyna ie bolyp, altaýy qarsy daýys bergen.
Jańa tártipke sáikes, eger prezident bes kún ishinde túzetýge qol qoimasa, parlament oǵan qatysty impichment rásimin bastai alady. Sonymen qatar depýtattarǵa jańa prezidentti jańa Konstitýtsiia qabyldanǵanǵa deiin nemese bes jylǵa deiingi merzimge sailaý quqyǵy beriledi.
Peter Madiar Tamash Shýiokty burynǵy premer-ministr Viktor Orbannyń saiasi júiesiniń bir bóligi dep sanaidy. Onyń aitýynsha, qabyldanyp jatqan reformalardyń maqsaty – eldegi quqyq ústemdigin qalpyna keltirip, Orbannyń 16 jyldyq biligi kezinde qalyptasqan saiasi júieni ózgertý.
Buǵan deiin Madiar úkimeti sybailas jemqorlyqqa qarsy reformalardy bastap, sot júiesi men memlekettik institýttardy jańǵyrtýǵa baǵyttalǵan birqatar ózgeristerdi qolǵa alǵan bolatyn.
