Aqmola oblysy Shýchinsk qalasyndaǵy Ulttyq qaýipsizdik komiteti ǵimaratyn jóndeýge bólingen 26 mln teńgelik memlekettik satyp alý qoǵamda suraq týǵyzdy, dep habarlaidy dalanews.kz.
Goszakup Turaly Telegram arnasynyń málimetinshe, Býrabai aýdanynyń turǵyn úi-kommýnaldyq sharýashylyq bólimi Shýchinsk qalasyndaǵy Elemesov kóshesi, 50B mekenjaiynda ornalasqan ǵimaratty jóndeýge 26 mln teńgege bir kózden tikelei shart jasaǵan. Arna bul mekenjaida Ulttyq qaýipsizdik komitetiniń jergilikti bólimshesi ornalasqanyn jazady.
Zertteý avtorlarynyń aitýynsha, satyp alý konkýrs ótkizilmei, tótenshe jaǵdaidyń saldaryn joiý nemese onyń aldyn alý negizinde júzege asyrylǵan. Alaida kelisimshart boiynsha bir kózden satyp alýdyń júrgizilgeni týraly esep qujaty portalǵa júktelmegen.
Arna málimetinshe, kelisimsharttyń qysqasha sipattamasynda tek ǵimaratqa jóndeý jumystary júrgiziletini kórsetilgen. Bul nysan 2014 jyly paidalanýǵa berilgen, alaida osy ýaqytqa deiin onda jóndeý júrgizilgeni týraly ashyq aqparat jariialanbaǵan.
Goszakup Turaly jariialaǵan aqparatqa sáikes, tehnikalyq sipattamada ádettegi aǵymdaǵy jóndeý jumystary kózdelgen. Atap aitqanda, merdiger sport jáne akt zaldaryndaǵy rakovinalar, pissýarlar, qubyrlar men qabyrǵa panelderin aýystyrýy, jaryq shamdaryn, tóbeni, qaptama plitalaryn jańartýy, sondai-aq kireberis qalqasyn ornatýy tiis.
Arna avtorlary mundai jumystardyń tótenshe jaǵdai saldaryn joiýǵa emes, kádimgi aǵymdaǵy jóndeýge tán ekenin aitady. Sondai-aq ashyq derekkózderde atalǵan ǵimaratqa zaqym keltirgen qandai da bir tótenshe jaǵdai týraly aqparat tabylmaǵany atap ótiledi.
Materialda 2025 jyldan bastap zańnamada tótenshe jaǵdaiǵa qatysty negiz tek onyń saldaryn joiý úshin ǵana emes, aldyn alý úshin de qoldanylatyny kórsetilgen. Arna pikirinshe, jergilikti ákimdikter dál osy normany paidalanyp, keibir satyp alýlardy konkýrssyz ótkizedi.
Goszakup Turaly jariialaǵan qujattardyń biri retinde kelisimshartqa qosa berilgen negizdemeniń ornyna WhatsApp arqyly jiberilgen JPG formatyndaǵy qyzmettik jazba tirkelgeni kórsetilgen. Budan bólek, bólek buiryqta ákimshilik ǵimarattaǵy sýmen jabdyqtaý, káriz, jylý, elektrmen jabdyqtaý, jeldetý júielerindegi aqaýlardy jáne qurylys konstrýktsiialaryn qalpyna keltirý qajettiligi aitylyp, sonyń negizinde tikelei shart jasasý tapsyrylǵan.
Arna málimetinshe, dál osy jetkizýshimen buryn da birneshe kelisimshart jasalǵan. Jalpy sany – 10 shart, olardyń jiyntyq quny 155 mln teńgeden asady. Mysaly, talqylanyp otyrǵan kelisimsharttan bir apta buryn Shýchinsk ákimdigi osy kásipkermen kógaldandyrý aiasynda rýlondy kógal tóseýge tikelei shart jasaǵan. Alaida zertteý avtorlarynyń aitýynsha, mundai qyzmet jetkizýshiniń negizgi qyzmet túrine jatpaidy.
Sonymen qatar jariialanymda keibir basqa memlekettik satyp alýlardaǵy negizdemeler de synǵa alynǵan. Máselen, balalar alańyn satyp alý kezinde tapsyrys berýshi konkýrstyq satyp alýlardaǵy baǵa árdaiym joǵary bolady dep kórsetken. Arna mundai ýájdi shyndyqqa sáikes kelmeidi dep baǵalap, konkýrstyq rásimderde baǵa tómendeýi múmkin ekenin alǵa tartady.
Goszakup Turaly avtorlarynyń pikirinshe, bul jaǵdaida tótenshe jaǵdaiǵa silteme jasaý jáne bir kózden tikelei kelisimshart jasaý jetkilikti negizdelmegen, óitkeni mundai jóndeý jumystaryn ashyq konkýrs arqyly ótkizýge múmkindik bolǵan.
