Prodiýser ári ánshi Móldir Muqan áleýmettik jelidegi paraqshasynda shyǵarmashylyǵyna qatysty jaǵymdy jańalyǵyn bólisti, dep habarlaidy dalanews.kz.
Óner iesiniń aitýynsha, oǵan "Qazaqstan" ulttyq telearnasy túsirip jatqan jańa telehikaiadan ról usynylǵan. Móldir Muqan bul usynysty qabyl alǵanyn jetkizdi.
"Osy jazdyń erekshe jańalyǵy – serialǵa túsý týraly usynys. Árine, qabyl aldym! Qai telearnaǵa, qandai janrdaǵy serial ekenin aitamyn. Eń bastysy, kórermenge unaityn serial bolatynyna senemin", – dedi ol.
Ánshi jańa joba óziniń shyǵarmashylyq jolyndaǵy erekshe kezeńderdiń biri ekenin atap ótti. Onyń sózinshe, túsirilim tobynyń senim bildirip, ról usynýy ózine úlken qýanysh syilaǵan. Telehikaiada Móldir Muqan Erlan esimdi keiipkerdiń jubaiyn somdaidy. Jobada meditsina qyzmetkerleriniń kúndelikti eńbegi, dáriger mamandyǵynyń jaýapkershiligi men qoǵamdaǵy mańyzy kórsetilmek.
"Aq halatty abzal jandardyń jumysy únemi kózge kórine bermeidi. Biraq túrli synaqqa tap bolyp, dertpen betpe-bet kelgende olardyń qadirin túsinemiz. Osy taqyrypty kino arqyly halyqqa jetkizip jatqan ulttyq arnaǵa jáne túsirilim tobyna alǵysymdy bildiremin", – dedi Móldir Muqan.
Óner iesi jańa telehikaianyń kórermen kóńilinen shyǵatynyna senim bildirdi.
